'മാങ്ങ' വെറുമൊരു പഴമല്ല...​ഗുണങ്ങളേറേ..

വൈറ്റമിൻ സി,എ,കെ,ബി6 എന്നിങ്ങനെ വൈറ്റമിനുകളുടെ ശേഖരം തന്നെ മാങ്ങയിലൂടെ ലഭിക്കും. മാങ്ങയിൽ കൊഴുപ്പ് തീരെ കുറവാണ്. പ്രോട്ടീൻ,പൊട്ടാസ്യം,ഫൈബർ,കോപ്പർ തുടങ്ങിയവ അടങ്ങിയിരിക്കുന്നു

വൈറ്റമിൻ സിയുടെ അമൂല്യ ശേഖരമാണ് മാങ്ങ. 165​ഗ്രാം മാങ്ങയിൽ 60 mg വൈറ്റമിൻ സി അടങ്ങിയിരിക്കുന്നു. ഇതിലൂടെ ശരീരത്തിന്റെ പ്രതിരോധശേഷി ഉത്തേജിപ്പിക്കപ്പെടും. ഇരുമ്പ് ആ​ഗിരണം ചെയ്യാൻ ശരീരത്തെ പ്രാപ്തമാക്കും

പ്രമേഹത്തെ ഒരു പരിധിവരെ പ്രതിരോധിക്കാൻ മാങ്ങ കഴിക്കുന്നതിലൂടെ സാധിക്കും. എന്നിരുന്നാലും പ്രകൃതിദത്ത പഞ്ചസാര കൂടുതലായതിനാൽ അമിതമായി കഴിച്ചാൽ രക്തത്തിലെ പഞ്ചസാരയുടെ അളവ് കൂടും.

കലോറി കൂടുതലുള്ള ഭക്ഷണങ്ങൾ ഒഴിവാക്കുക എന്നതാണ് നല്ല ആരോ​ഗ്യത്തിന് വേണ്ടത്. മാങ്ങ കഴിക്കുന്നതിലൂടെ കലോറി കൂടുമെന്ന ഭയം വേണ്ട. 165 ​ഗ്രാം മാങ്ങയിൽ വെറും 99 കലോറിമാത്രമാണുള്ളത്.

നല്ല മാങ്ങ കഴിക്കുന്നതിലൂടെ ഹൃദയത്തിന്റെ ആരോ​ഗ്യത്തിനും പരിപാലനം ലഭിക്കും. രക്ത സംക്രമണത്തിന് സഹായകമായ മാ​ഗ്നീഷ്യം പൊട്ടാസ്യം എന്നിവ മാങ്ങയിൽ അടങ്ങിയിരിക്കുന്നു.

ഭക്ഷണങ്ങൾ എത്ര ധാതുസമ്പന്നമാണെങ്കിലും മനുഷ്യ ശരീരത്തെ സംബന്ധിച്ച് ദഹനപ്രക്രിയ സുപ്രധാനമാണ്. ദഹനപ്രക്രിയയെ പരിപോഷിപ്പിക്കുന്ന ഫൈബർ, വെള്ളം തുടങ്ങിയവ മാങ്ങയില്‍ അടങ്ങിയിട്ടുണ്ട്.

വൈറ്റമിൻ എ അടങ്ങിയിരിക്കുന്നതിനാൽ കണ്ണിന്റെ കാഴ്ച ശക്തിക്ക് മാങ്ങയിലൂടെ ബൂസ്റ്റിം​ഗ് ലഭിക്കും. വൈറ്റമിൻ എ യുടെ കുറവിലൂടെ ഉണ്ടാകുന്ന പ്രശ്നങ്ങൾക്ക് മാങ്ങയിലൂടെ പരിഹാരം കണ്ടെത്താം.

ശരീരത്തെ കാർന്നു തിന്നുന്ന കാൻസറിനെ ചെറുക്കാനും മാങ്ങയ്ക്ക് കഴിവുണ്ട്. മാങ്ങയിൽ അടങ്ങിയിരിക്കുന്ന പോളിഫെനോൾസിന് ബ്രെസ്റ്റ്,ബോൺ,കാൽ,കുടൽ,മൂത്രാശയ കാൻസറുകളെ ചെറുക്കാനാകും.

കോപ്പർ,വൈറ്റമിൻ ഇ,ബി തുടങ്ങിയവ അടങ്ങിയിരിക്കുന്നതിനാലും കാൻസർപോലുള്ള രോ​ഗങ്ങളിൽ നിന്നുള്ള പ്രതിരോധ ശേഷി ഉള്ളതിനാലും മടികൂടാതെ ഡയറ്റ് പ്ലാനിൽ മാങ്ങയെ ഉൾപ്പെടുത്താം.