സമകാലിക മലയാളം ഡെസ്ക്
മൊബൈല് ഓപ്പറേറ്റിങ് സിസ്റ്റമായ ആന്ഡ്രോയിഡിന്റെ പുതിയ വേര്ഷനായ ആന്ഡ്രോയിഡ് 16ല് ഗൂഗിള് പുതിയ സുരക്ഷാ ഫീച്ചര് അവതരിപ്പിക്കും
ഫോണ് ചെയ്യുന്നതിനിടെ സെറ്റിങ്ങ്സിലെ സെന്സിറ്റീവ് ആയിട്ടുള്ള കാര്യങ്ങളില് മാറ്റം വരുത്തി ഡേറ്റ ചോര്ത്തുന്നതില് നിന്ന് ഹാക്കര്മാരെ തടയുന്നതാണ് പുതിയ ഫീച്ചര്
പ്ലേ സ്റ്റോറില് ലഭ്യമല്ലാത്തതും മാല്വെയര് ബാധിച്ചതാണോ എന്ന് പരിശോധിച്ച് ഉറപ്പാക്കാത്തതുമായ ആപ്പുകള് ഫോണില് ഇന്സ്റ്റാള് ചെയ്യുന്നില്ല എന്ന് ഉറപ്പാക്കുന്നതാണ് സംവിധാനം
പ്ലേ സ്റ്റോറിന് പുറത്തുനിന്ന് ആപ്പുകള് ഇന്സ്റ്റാള് ചെയ്യാന് സഹായിക്കുന്ന പ്രക്രിയയായ സൈഡ് ലോഡിങ് ഡിസെബിള് ചെയ്ത് വെയ്ക്കാന് കഴിയുന്ന തരത്തിലാണ് ഫീച്ചര് പ്രവര്ത്തിക്കുക.
ഫോണ് ചെയ്യുന്ന സമയത്തും മറ്റും ഇത്തരത്തില് വ്യാജ ആപ്പുകള് ഇന്സ്റ്റാള് ചെയ്യപ്പെടുന്ന സാഹചര്യം ഒഴിവാക്കാനാണ് പുതിയ സംവിധാനം
ചില സമയങ്ങളില് സൈബര് ക്രിമിനലുകള് ഫോണ് കട്ട് ചെയ്ത ശേഷം ആപ്പ് ഇന്സ്റ്റാള് ചെയ്യാന് ആവശ്യപ്പെട്ടേക്കാം. ഈ സാഹചര്യത്തില് സംഭാഷണത്തിന്റെ ഒഴുക്കിനെ തടസ്സപ്പെടുത്തി ഉപയോക്താവിനെ സംശയാലുവാക്കാന് കഴിയുന്ന തരത്തിലാണ് ക്രമീകരണം
ഫോണ് കോളുകള്ക്കിടയില് ആക്സസിബിലിറ്റി സേവനങ്ങളും പ്രവര്ത്തനരഹിതമാക്കാന് കഴിയുന്ന തരത്തിലാണ് സംവിധാനം.
ആക്സസിബിലിറ്റി സേവനത്തിലൂടെ സ്ക്രീന് ഉള്ളടക്കം വായിക്കാനും ഉപകരണം നിയന്ത്രിക്കാനും ഹാക്കര്മാര്ക്ക് സാധിക്കാറുണ്ട്. ഇത് തടയുക എന്നതാണ് ഇതിന്റെ ലക്ഷ്യം.
നിലവില് ആന്ഡ്രോയിഡ് 16ന്റെ ബീറ്റ 2ല് പുതിയ സംവിധാനം ലഭ്യമാണ്. ഓപ്പറേറ്റിങ് സിസ്റ്റത്തിന്റെ അന്തിമ പതിപ്പിലും ഇത് ലഭ്യമാകുമെന്നാണ് പ്രതീക്ഷ.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates