പാദങ്ങളിൽ ഈ എണ്ണ പുരട്ടിയാൽ ഗുണങ്ങൾ ഏറെ

പലപ്പോഴും പാദങ്ങൾക്ക് ആവശ്യമായ പരിചരണം മിക്ക ആളുകളും നൽകാറില്ല.

വില കൂടിയ ഫൂട്മാസ്ക്കുകളോ ക്രീമുകളോ വേണ്ട, അടുക്കളയിൽ സുലഭമായ വെളിച്ചെണ്ണ ഒരു തുള്ളി പുരട്ടിയാൽ തന്നെ കാൽപാദങ്ങൾ പഞ്ഞിപോലെ സോഫ്റ്റാകും ഒപ്പം വിണ്ടുകീറൽ കുറയുകയും ചെയ്യും.

വെളിച്ചെണ്ണയിൽ അടങ്ങിയിട്ടുള്ള ഫാറ്റി ആസിഡുകൾ ചർമ്മത്തിൻ്റെ ആഴങ്ങളിൽ ഇറങ്ങിച്ചെന്ന് പോഷണം നൽകുകയും, ചർമ്മത്തെ മൃദുലവും ആരോഗ്യകരവുമാക്കുകയും ചെയ്യുന്നു.

രാത്രി ഉറങ്ങുന്നതിന് മുമ്പ് വെളിച്ചെണ്ണ ചെറുതായി ചൂടാക്കി പാദങ്ങളിൽ മസ്സാജ് ചെയ്യുന്നത് രക്തയോട്ടം വർധിപ്പിക്കാനും, ക്ഷീണം കുറയ്ക്കാനും, സുഖകരമായ ഉറക്കം ലഭിക്കാനും സഹായിക്കുന്നു.

കാൽ പാദങ്ങൾ എന്തെങ്കിലും ഫം​ഗൽ പ്രശനങ്ങൾ ഉണ്ടെങ്കിൽ വെളിച്ചെണ്ണ പുരട്ടുന്നത് നല്ലതാണ്. വെളിച്ചെണ്ണയ്ക്ക് ഫംഗസ് അണുബാധകളെ പ്രതിരോധിക്കാനുള്ള കഴിവുണ്ട്.

വെളിച്ചെണ്ണയിലേയ്ക്ക് കുറച്ച് കാപ്പിപ്പൊടി ചേർത്തിളക്കി യോജിപ്പിച്ചതിന് ശേഷം ഇത് പാദങ്ങളിൽ പുരട്ടി 10 മിനിറ്റ് മൃദുവായി മസാജ് ചെയ്യാം. എന്നിട്ട് കഴുകി കളയുകയാണെങ്കിൽ പാദങ്ങൾ മൃദുവാവാൻ സഹായിക്കുന്നു.

എല്ലാ ദിവസവും രാത്രി ഉറങ്ങുന്നതിന് മുമ്പ് കുറച്ച് വെളിച്ചെണ്ണ എടുത്ത് പാദങ്ങളിൽ മസ്സാജ് ചെയ്തതിന് ശേഷം ഒരു സോക്സ് ഇട്ട് കിടന്നുറങ്ങുക. ഇത് കാൽ പാദങ്ങൾ വരണ്ട് പോകുന്നതിൽ നിന്നും നിങ്ങളെ രക്ഷപ്പെടുത്തും.