നാരങ്ങാവെള്ളം കുടിക്കേണ്ടത് ഭക്ഷണത്തിന് മുൻപോ ശേഷമോ?

ചൂടാണെങ്കിലും തണുപ്പാണെങ്കിലും മലയാളികൾക്ക് നാരങ്ങവെള്ളം നിർബന്ധമാണ്

ഫിറ്റ്നസിനെപ്പറ്റി ചിന്തിക്കുന്നവരും ഉറപ്പായും ഡയറ്റിൽ ഉൾപ്പെടുത്തുന്നതാണ് നാരങ്ങ.

സിട്രിക് സ്വാഭാവമുള്ള നാരങ്ങ ആരോഗ്യത്തിനും അതുപോലെ ശരീരഭാരം നിലനിർത്താനുമൊക്കെ വളരെ നല്ലതാണ്.

രാവിലെ ഉറക്കം ഉണർന്ന ശേഷം വെറും വയറ്റിൽ നാരങ്ങ വെള്ളം കുടിക്കുന്ന നിരവധി ആളുകളുണ്ട്.

ശരിയായ സമയത്ത് നാരങ്ങ വെള്ളം കുടിക്കുന്നത് ശരീരത്തിന് നല്ല ഗുണങ്ങൾ നൽകാൻ സഹായിക്കും.

ഭക്ഷണത്തിന് മുൻപ് നാരങ്ങ വെള്ളം കുടിക്കുന്നത് വിശപ്പിനെ നിയന്ത്രിക്കാനും അതുപോലെ ദഹനം മെച്ചപ്പെടുത്താനും ഏറെ സഹായിക്കും.

ഒരു ദിവസം നാരങ്ങ വെള്ളം കുടിച്ച് ആരംഭിക്കുന്നത് ഭക്ഷണം കഴിക്കുന്നത് നിയന്ത്രിക്കാനും അതുപോലെ ശരീരത്തിന് അമിതമായി കലോറി കഴിക്കുന്നത് തടയാനും സഹായിക്കും.

ഭക്ഷണത്തിന് ശേഷം ദഹന സംബന്ധമായ എന്തെങ്കിലും പ്രശ്നമുണ്ടെങ്കിൽ നാരങ്ങ വെള്ളം കുടിക്കുന്നത് നല്ലതാണ്.

ഹെവിയായി ഭക്ഷണം കഴിച്ച ശേഷം ഒരു ഗ്ലാസ് നാരങ്ങ വെള്ളം കുടിക്കുന്നത് വളരെ നല്ലതാണ്. നെഞ്ച് എരിച്ചിൽ, ദഹനക്കേട് പോലെയുള്ള പ്രശ്നങ്ങൾ ഇതിലൂടെ മാറ്റാം.

ശരീരത്തിലെ ജലാംശം നിലനിർത്തി നിർജ്ജലീകരണം ഒഴിവാക്കാൻ നാരങ്ങ വെള്ളം സഹായിക്കും. ശരീരത്തിലെ ശരിയായ ജലാംശം എല്ലാ അവയവങ്ങളുടെയും പ്രവർത്തനം നല്ലതാക്കാനും അതുപോലെ ശരീരത്തിലെ അനാവശ്യ വേസ്റ്റിനെ പുറന്തള്ളാനും സഹായിക്കും.

ചെറു ചൂട് വെള്ളത്തിൽ നാരങ്ങ പിഴിഞ്ഞ് കുടിക്കുന്നത് ദഹന പ്രശ്നങ്ങളൊക്കെ ഇല്ലാതാക്കാൻ വളരെ നല്ലതാണ്.