സമകാലിക മലയാളം ഡെസ്ക്
വിരമിച്ചതിന് ശേഷമുള്ള കാലത്ത് സാമ്പത്തിക പരിരക്ഷ ഉറപ്പാക്കുന്ന പദ്ധതിയാണ് കേന്ദ്രസര്‍ക്കാരിന്റെ അടല്‍ പെന്‍ഷന്‍ യോജന.
പ്രതിമാസം 5000 രൂപ വരെ പെന്‍ഷന്‍ ഉറപ്പാക്കുന്നതാണ് പദ്ധതി
5000 രൂപ വീതം പെന്‍ഷന്‍ ലഭിക്കാന്‍ 32 വയസുള്ളയാള്‍ക്ക് പ്രതിമാസം 689 രൂപ വീതം നിക്ഷേപിച്ചാല്‍ മതി
5000 രൂപ വീതം പെന്‍ഷന്‍ ലഭിക്കാന്‍ 18 വയസുള്ള ഒരാള്‍ക്ക് പ്രതിമാസം 210 രൂപ വീതം കൈയില്‍ കരുതിയാല്‍ മതി. പ്രതിദിനം കണക്കാക്കുകയാണെങ്കില്‍ വെറും ഏഴുരൂപ.
40 വയസ്സില്‍ നിക്ഷേപം ആരംഭിക്കാനും 5,000 രൂപ പെന്‍ഷന്‍ നേടാനും പദ്ധതിയിടുന്നവര്‍ക്ക് 60 വയസ്സ് വരെ പ്രതിമാസം 1,454 രൂപ വീതം നിക്ഷേപിക്കേണ്ടി വരും.
അസംഘടിത മേഖലയിലെ തൊഴിലാളികളുടെ ഭാവി മുന്നില്‍ കണ്ടാണ് ഈ പദ്ധതിക്ക് സര്‍ക്കാര്‍ രൂപം നല്‍കിയത്. പ്രായമാകുമ്പോള്‍ തൊഴിലാളികളുടെ സാമ്പത്തിക പരിരക്ഷ ഉറപ്പാക്കാന്‍ വേണ്ടിയാണ് പദ്ധതി വിഭാവനം ചെയ്തത്.
നാഷണല്‍ പെന്‍ഷന്‍ സിസ്റ്റം (എന്‍പിഎസ്) വഴി പെന്‍ഷന്‍ ഫണ്ട് റെഗുലേറ്ററി ആന്‍ഡ് ഡെവലപ്മെന്റ് അതോറിറ്റി (പിഎഫ്ആര്‍ഡിഎ) ആണ് പദ്ധതി നിയന്ത്രിക്കുന്നത്.
പ്രതിമാസം 1,000 രൂപ മുതല്‍ 5,000 രൂപ വരെ മിനിമം പ്രതിമാസ പെന്‍ഷന്‍ ഉറപ്പുനല്‍കുന്നതാണ് പദ്ധതി
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates