വെറുതെ അങ്ങ് കുളിച്ചാൽ പോര,ഇക്കാര്യങ്ങൾ അറിഞ്ഞ് കുളിക്കണം.

എല്ലാദിവസവും കുളിക്കുന്നത് ഒരു വ്യക്തി ശുചിത്വത്തിന്റെ ഭാഗമാണ്.

ചുമ്മാ കുളിച്ചാൽ പോരാ, കുളിക്കുമ്പോൾ ചില കാര്യങ്ങൾ പ്രത്യേകം ശ്രദ്ധിക്കേണ്ടതുണ്ട്.

ചർമ സംരക്ഷണം ഉറപ്പാക്കാൻ കുളിക്കുമ്പോൾ ചെയ്യുന്ന ചില തെറ്റുകൾ എന്തൊക്കെയെന്ന് മനസ്സിലാക്കി ഒഴിവാക്കാം.

കുളിക്കാൻ കൂടുതൽ സമയം എടുക്കുന്നതിലൂടെ ശരീരത്തിന്റെ സ്വാഭാവിക മോയിസ്ചർ നഷ്ടപ്പെടാൻ കാരണമാകും .ചർമം സെൻസിറ്റീവായി അനുഭവപ്പെടുന്നതിന്റെ ഒരു കാരണം ദീർഘനേരമുള്ള കുളിക്കുന്നതാണ്.അതിനാൽ ഷവർ സമയം പരിമിതപ്പെടുത്താൻ ശ്രമിക്കുക.

മിക്ക ബോഡി സോപ്പുകളിലും ബോഡി വാഷുകളിലും സൾഫേറ്റുകൾ, ശക്തമായ ഡിറ്റർജന്റുകൾ, കനത്ത സുഗന്ധദ്രവ്യങ്ങൾ എന്നിവ അടങ്ങിയിരിക്കുന്നു. ഇവ അഴുക്ക് മാത്രമല്ല നിങ്ങളുടെ സ്വാഭാവിക ചർമ ഘടനയെയും ഈർപ്പത്തെയും ബാധിക്കുന്നു. ചർമത്തിൽ ചൊറിച്ചിൽ, വരൾച്ച എന്നിവ ഉണ്ടാകും

വൃത്തിയാക്കാത്ത തോർത്ത് കൊണ്ട് കുളിച്ച ശേഷം ശരീരം തുടച്ചാൽ ചർമത്തിലേക്ക് അഴുക്കും നേർത്ത പൊടിയും വീണ്ടും എത്തും. രണ്ട് തവണ തോർത്ത് ഉപയോ​ഗിച്ചാൽ പിന്നീട് കഴുകി വൃത്തിയാക്കിയതിന് ശേഷം മാത്രമേ ഉപയോ​ഗിക്കാൻ പാടുകയൊള്ളു.