ഈ ഭക്ഷണങ്ങൾ ഒഴിവാക്കൂ, മുടി കൊഴിച്ചിൽ നിൽക്കും

നമ്മുടെ ആഹാരക്രമത്തിലെ ചില ഭക്ഷണങ്ങൾ തലമുടിയുടെ ആരോഗ്യത്തെ മോശമായി ബാധിക്കുകയും അമിതമായ മുടികൊഴിച്ചിലിന് കാരണമാവുകയും ചെയ്യാം.

മുടി സംരക്ഷിക്കാൻ ഭക്ഷണത്തിൽ നിന്ന് ഒഴിവാക്കേണ്ട അത്തരം ചില ഭക്ഷണങ്ങൾ പറഞ്ഞുതാരം..

പഞ്ചസാര

പഞ്ചസാര ധാരാളം അടങ്ങിയ ഭക്ഷണങ്ങൾ അമിതമായി ഉപയോഗിക്കുന്നത് മുടി കൊഴിച്ചിലിന് കാരണമാകും. ഇവ തലയോട്ടിയിലെ കോശങ്ങളെയും രക്തയോട്ടത്തെയും ബാധിക്കാൻ സാധ്യതയുണ്ട്.

കാർബോഹൈഡ്രേറ്റ് അധികരിച്ചവ

കാർബോഹൈഡ്രേറ്റ് കൂടുതലുള്ള ഭക്ഷണങ്ങളുടെ അമിത ഉപയോഗവും മുടി കൊഴിയാൻ വഴിയൊരുക്കും. അമിതമായ ഉപയോഗം ഒഴിവാക്കി മിതമായ അളവിൽ ഉൾപ്പെടുത്താൻ ശ്രദ്ധിക്കുക

എണ്ണയിൽ വറുത്ത ഭക്ഷണങ്ങൾ

എണ്ണയിൽ പൊരിച്ച ഭക്ഷണങ്ങളിൽ അടങ്ങിയിട്ടുള്ള ഉയർന്ന അളവിലുള്ള അനാരോഗ്യകരമായ കൊഴുപ്പുകൾ തലമുടിയുടെ വേരുകളെ ദുർബലമാക്കാനും കൊഴിച്ചിലിനും കാരണമായേക്കാം.

കൃത്രിമ മധുര പാനീയങ്ങൾ

സോഡ പോലുള്ള പാനീയങ്ങളും മറ്റ് കൃത്രിമ മധുരങ്ങൾ ചേർത്ത പാനീയങ്ങളും തലമുടിയുടെ ആരോഗ്യത്തിന് ദോഷകരമാണ്. ഇവയുടെ ഉപയോഗം പരമാവധി കുറയ്ക്കുന്നത് നല്ലതാണ്.

ഉയർന്ന ഗ്ലൈസമിക് സൂചിക ഉള്ള ഭക്ഷണങ്ങൾ

രക്തത്തിലെ പഞ്ചസാരയുടെ അളവ് പെട്ടെന്ന് ഉയർത്താൻ കഴിവുള്ള ഗ്ലൈസമിക് സൂചിക കൂടിയ ഭക്ഷണങ്ങൾ ഡയറ്റിൽ നിന്ന് ഒഴിവാക്കുകയോ നിയന്ത്രിക്കുകയോ ചെയ്യുന്നത് മുടിയുടെ ആരോഗ്യം നിലനിർത്താൻ സഹായകമാകും.

ജങ്ക് ഫുഡ്

ഫാസ്റ്റ് ഫുഡ്, ജങ്ക് ഫുഡ് തുടങ്ങിയവയിൽ അടങ്ങിയിരിക്കുന്ന അനാരോഗ്യകരമായ കൊഴുപ്പുകൾ, എണ്ണ, മറ്റ് ചേരുവകൾ എന്നിവ തലമുടിയുടെ ആരോഗ്യത്തെ പ്രതികൂലമായി ബാധിക്കുന്നവയാണ്.