സമകാലിക മലയാളം ഡെസ്ക്
ഒരു നല്ല ദിവസം ലഭിക്കാന്‍ നിങ്ങള്‍ ശീലിക്കേണ്ട കുറേ കാര്യങ്ങളുണ്ട്.
രാവിലെ എഴുന്നേറ്റ ഉടനെ ചെയ്യുന്ന ചില കാര്യങ്ങള്‍ പൂര്‍ണമായും നിങ്ങളുടെ ആരോഗ്യത്തെ തകര്‍ക്കുമെന്ന് പഠനങ്ങള്‍ പറയുന്നു.
എന്തൊക്കെയാണ് നിങ്ങള്‍ ഒഴിവാക്കേണ്ട ദുശീലങ്ങള്‍ എന്ന് നോക്കാം.
രാവിലെ കണ്ണു തുറന്നാല്‍ തന്നെ സോഷ്യല്‍ മീഡിയയോ ഇമെയിലുകളോ നോക്കുന്നതാണ് നമ്മുടെ ശീലം. ഫോണില്‍ നിന്നുള്ള പലകാര്യങ്ങള്‍ നിങ്ങളില്‍ സമ്മര്‍ദം വര്‍ധിപ്പിക്കാനും ഉത്കണ്ഠക്കും ഇടയാക്കും. ഇത് ക്രമേണ നിങ്ങളുടെ മാനസികാവസ്ഥ തകരാറിലാക്കും.
എഴുന്നേറ്റ സമയം വെള്ളം കുടിക്കുന്നതിനു പകരം കോഫിയോ ചായയോ കുടിക്കുന്നതു വഴി നിര്‍ജലീകരണം വര്‍ധിക്കും. കാരണം രാത്രി വെള്ളം കുടിക്കാതെ ഉറക്കമെഴുന്നേല്‍ക്കുന്ന നിങ്ങളില്‍ നിര്‍ജലീകരണമുണ്ടാകും.
രാവിലെ എഴുന്നേറ്റ ഉടനെ വ്യായാമം ചെയ്ത് ശീലിക്കുക. അല്ലാത്തപക്ഷം നിങ്ങളില്‍ സമ്മര്‍ദം ഏറും.
പ്രഭാത ഭക്ഷണം ഒഴിവാക്കുന്നത് പിന്നീട് കൂടുതല്‍ ഭക്ഷണം കഴിക്കാന്‍ നിങ്ങളെ പ്രേരിപ്പിക്കുകയും രക്തത്തിലെ പഞ്ചസാരയുടെ അളവില്‍ മാറ്റം ഉണ്ടാക്കുകയും ചെയ്യും. എഴുന്നേറ്റ് രണ്ടു മണിക്കൂറിനുള്ളില്‍ നിങ്ങള്‍ പ്രഭാതഭക്ഷണം കഴിക്കണം.
അലാറം സ്‌നൂസ് ചെയ്യുന്നതാണ് ശരീരം വീണ്ടും ഉറക്കത്തിലേക്ക് പ്രവേശിക്കാന്‍ ശ്രമിക്കുകയും പൂര്‍ത്തിയാകാത്ത ഉറക്കം നിങ്ങളെ ആ ദിവസം മുഴുവന്‍ കൂടുതല്‍ ക്ഷീണിതരാക്കുകയും മന്ദഗതിയിലാക്കുകയും ചെയ്യും.
എഴുന്നേറ്റ ഉടനെ 15മിനിറ്റ് സുര്യപ്രകാശം ഏല്‍ക്കുക. ഇത് നിങ്ങളുടെ സര്‍ക്കാഡിയന്‍ റിഥം ക്രമീകരിക്കാനും ഉന്മേഷം നല്‍കാനും സഹായിക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates