രാവിലെ നാം ചെയ്യുന്ന ഈ തെറ്റുകൾ ഒഴിവാക്കാം

രാവിലെ ഉണർന്നെഴുന്നേറ്റാൽ നിങ്ങൾ ആദ്യം ചെയ്യുക ഒരു ഗ്ലാസ് ചായയോ കാപ്പിയോ അതോ വെറും വയറ്റിൽ പഴങ്ങളോ പച്ചക്കറികളോ കഴിക്കുന്നതായിരിക്കും.

ഓരോരുത്തരും രാവിലെ പിന്തുടരുന്ന ശീലങ്ങളാണ് ആ ദിവസത്തെ അവരുടെ ഊർജ്ജസ്വലതയും ദീർഘകാലത്തെ ആരോഗ്യവും നിശ്ചയിക്കുന്നത്.

എന്നാൽ ചില ഭക്ഷണങ്ങൾ നമ്മൾ രാവിലെ എഴുന്നേറ്റാൽ വെറും വയറ്റിൽ കഴിക്കാനോ കുടിക്കാനോ പാടില്ല. അത്തരത്തിൽ കഴിക്കാൻ പാടില്ലാത്ത ചില ഭക്ഷണങ്ങൾ നോക്കാം.

ചായ, കാപ്പി, സിട്രസ് പാനീയങ്ങൾ

വെറുംവയറ്റിൽ കഫീൻ ഉള്ള ചായ/കാപ്പി അല്ലെങ്കിൽ നാരങ്ങവെള്ളം പോലുള്ള സിട്രസ് പാനീയങ്ങൾ കുടിക്കുന്നത് ആമാശയത്തെ പ്രകോപിപ്പിച്ച് അസിഡിറ്റി, എരിച്ചിൽ, ആസിഡ് റിഫ്‌ളക്‌സ് എന്നിവ ഉണ്ടാക്കാം.

വാഴപ്പഴം/ മിൽക്ക് സ്മൂത്തികൾ

പാലും പഴവും ചേർത്തുള്ള സ്മൂത്തികൾ വെറുംവയറ്റിൽ ദഹിക്കാൻ പ്രയാസമാണ്. ഇത് വയറ് വീർക്കൽ, ഗ്യാസ്, മന്ദത എന്നിവയുണ്ടാക്കാൻ സാധ്യതയുണ്ട്.

വേവിക്കാത്ത പച്ചക്കറി സലാഡുകൾ

പച്ചക്കറികളിൽ ധാരാളം നാരുകൾ അടങ്ങിയിട്ടുണ്ടെങ്കിലും ഒഴിഞ്ഞ വയറ്റിൽ ഇവ കഴിക്കുന്നത് കുടലിന് അമിത ജോലി നൽകും. പച്ചക്കറികൾ വേവിച്ച ഭക്ഷണത്തോടൊപ്പമോ ഭക്ഷണത്തിന് ശേഷമോ കഴിക്കുന്നതാണ് ദഹനത്തിന് ഏറ്റവും ഉചിതം.

എങ്ങനെ തുടങ്ങണം?

പോഷകസമൃദ്ധവും എന്നാൽ എളുപ്പത്തിൽ ദഹിക്കുന്നതുമായ ഭക്ഷണങ്ങൾ കഴിച്ചുകൊണ്ട് വേണം ഓരോ ദിവസവും തുടങ്ങാൻ.

കടുത്ത അസിഡിറ്റി ഒഴിവാക്കാൻ രാവിലെ എഴുന്നേറ്റ ഉടൻ അല്പം വെള്ളം കുടിക്കുന്നതോ അല്ലെങ്കിൽ ലഘുവായ മറ്റെന്തെങ്കിലും കഴിക്കുന്നതോ ശീലമാക്കാം.