സാലഡ് ഉണ്ടാക്കുമ്പോൾ ഈ അബദ്ധങ്ങൾ ഒഴിവാക്കാം

സാലഡ് ആരോഗ്യകരമായ ഭക്ഷണങ്ങളിൽ ഒന്നാണ്.

ശരീരത്തിന് ആവശ്യമായ വിറ്റാമിനുകളും ധാതുക്കളും നാരുകളും ലഭിക്കാൻ ഇത് സഹായിക്കുന്നു.

എന്നാൽ സാലഡ് തയ്യാറാക്കുമ്പോൾ ചില ചെറിയ പിഴവുകൾ സംഭവിച്ചാൽ അതിന്റെ പോഷകമൂല്യവും ആരോഗ്യഗുണങ്ങളും കുറയാം.

പലരും അറിയാതെ ചെയ്യുന്ന ചില അബദ്ധങ്ങളെക്കുറിച്ച് അറിയാം.

സാലഡിൽ ഉപയോഗിക്കുന്ന പച്ചക്കറികളും പഴങ്ങളും നന്നായി കഴുകണം. മണ്ണ്, കീടനാശിനികളുടെ അവശിഷ്ടങ്ങൾ, ബാക്ടീരിയകൾ എന്നിവ നീക്കം ചെയ്യാൻ ശുദ്ധജലത്തിൽ നന്നായി കഴുകേണ്ടത് അത്യാവശ്യമാണ്.

പച്ചക്കറികളും പഴങ്ങളും ഏറെ നേരം മുമ്പ് മുറിച്ച് വെച്ചാൽ അവയിലെ ചില പോഷകങ്ങൾ നഷ്ടപ്പെടാം. കഴിക്കുന്നതിന് തൊട്ടുമുമ്പ് മുറിച്ച് ഉപയോഗിക്കുന്നതാണ് നല്ലത്.

മയോണൈസ്, ക്രീം അടിസ്ഥാനമാക്കിയ ഡ്രസിങ്ങുകൾ, അധിക എണ്ണ എന്നിവ സാലഡിന്റെ കലോറി വർധിപ്പിക്കും. പകരം നാരങ്ങാനീര്, ഒലീവ് ഓയിൽ, തൈര് എന്നിവ ഉപയോഗിക്കാം.

വെള്ളരിക്കയും തക്കാളിയും മാത്രം ചേർത്ത് സാലഡ് തയ്യാറാക്കുന്നവരുണ്ട്. വിവിധ നിറങ്ങളിലുള്ള പച്ചക്കറികളും ഇലക്കറികളും ചേർത്താൽ കൂടുതൽ പോഷകങ്ങൾ ലഭിക്കും.

സാലഡിൽ പ്രോട്ടീൻ ഉറവിടങ്ങൾ ചേർക്കുന്നത് കൂടുതൽ സംതൃപ്തി നൽകും. വേവിച്ച കടല, പയർവർഗങ്ങൾ, പനീർ, മുട്ട, ചിക്കൻ തുടങ്ങിയവ ചേർക്കാം.

അമിതമായ ഉപ്പ് സാലഡിന്റെ ആരോഗ്യഗുണം കുറയ്ക്കാം. കൂടാതെ പച്ചക്കറികളിൽ നിന്ന് വെള്ളം പുറത്തുവന്ന് സാലഡ് പെട്ടെന്ന് വാടാനും ഇടയാക്കും.

സാലഡിൽ പഴങ്ങൾ ഉപയോഗിക്കുന്നുവെങ്കിൽ വിളമ്പുന്നതിന് തൊട്ടുമുമ്പ് ചേർക്കുന്നതാണ് നല്ലത്.

തയ്യാറാക്കിയ സാലഡ് ദീർഘനേരം മുറിയിലെ താപനിലയിൽ വെക്കരുത്. ആവശ്യമായാൽ വായു കടക്കാത്ത പാത്രത്തിൽ ഫ്രിഡ്ജിൽ സൂക്ഷിക്കാം.