ചീര വേവിക്കുമ്പോൾ ഇക്കാര്യങ്ങൾ ഒഴിവാക്കണേ..

ഓക്സിഡേറ്റീവ് സ്ട്രെസ് കുറയ്ക്കുന്നതിനും, കണ്ണുകളുടെ ആരോഗ്യത്തിനും, രക്തസമ്മർദ്ദം നിയന്ത്രിക്കുന്നതിനും ചീര കഴിക്കുന്നത് വളരെ നല്ലതാണ്.

ചീര പാചകം ചെയ്യുമ്പോൾ ചില കാര്യങ്ങൾ ശ്രദ്ധിക്കേണ്ടതുണ്ട്.

പാചകത്തിൽ വരുത്തുന്ന ചില അബദ്ധങ്ങൾ ചീരയുടെ പോഷകഗുണങ്ങൾ നഷ്ടപ്പെടുത്താൻ കാരണമായേക്കാം.

അതിനാൽ ചീരയുടെ ആരോഗ്യ ഗുണങ്ങൾ പൂർണ്ണമായി ലഭിക്കുന്നതിനായി പാചകം ചെയ്യുമ്പോൾ ശ്രദ്ധിക്കേണ്ട പ്രധാന കാര്യങ്ങൾ ഇതാ.

അമിതമായി വേവിക്കരുത്

ചീര അമിതമായി പാകം ചെയ്യുന്നത് ഒഴിവാക്കണം. ചൂട് കൂടുതൽ ഏൽക്കുമ്പോൾ ചീരയിൽ അടങ്ങിയിരിക്കുന്ന പോഷക ഗുണങ്ങൾ നഷ്ടമാകുന്നു.

ഒരുമിച്ച് വേവിക്കരുത്

ചീര ഒരുമിച്ച് വേവിക്കുന്നതിനേക്കാളും ഓരോ ഘട്ടമായി വേവിക്കുന്നതാണ് നല്ലത്. ചീര നന്നായി പാകമായി കിട്ടാനും പോഷക ഗുണങ്ങൾ നഷ്ടപ്പെടാതിരിക്കാനും ഇങ്ങനെ ചെയ്യുന്നതാണ് ഉചിതം.

ഉപ്പ് അധികമാകരുത്

പാകം ചെയ്യുന്ന സമയത്ത് ചീരയിൽ ഉപ്പ് ചേർക്കുന്നത് ഒഴിവാക്കണം. കാരണം ഉപ്പ് ചേർക്കുമ്പോൾ ഇതിൽ നിന്നും ജലാംശം ഇല്ലാതാവുകയും പാകമായി കിട്ടാൻ കൂടുതൽ സമയം എടുക്കുകയും ചെയ്യുന്നു. ഇത് ചീരയുടെ പോഷക ഗുണങ്ങൾ ഇല്ലാതാവാൻ കാരണമാകും.

അമിതമായി തിളപ്പിക്കരുത്

വിറ്റാമിൻ സി, ബി, ഫോളേറ്റ് തുടങ്ങിയ വെള്ളത്തിൽ ലയിക്കുന്ന പോഷകങ്ങൾ ചീരയിൽ അടങ്ങിയിട്ടുണ്ട്. അമിതമായി തിളപ്പിക്കുമ്പോൾ ഇത് വെള്ളത്തിൽ അലിയുകയും ചീരയുടെ പോഷകങ്ങൾ നഷ്ടപ്പെടാനും കാരണമാകുന്നു. അതിനാൽ തന്നെ ചീര വേവിക്കാൻ വളരെ കുറച്ച് വെള്ളം മാത്രം ഉപയോഗിക്കാം.