ഈ ബാര്‍ബി വെറുമൊരു പാവയല്ല!

ലോകമെങ്ങുമുള്ള പെണ്‍കുട്ടികളുടെ പ്രിയ പാവയായ ബാര്‍ബിയെ ഇനി പ്രമേഹക്കാരിയായി കാണാം

കുഞ്ഞുങ്ങളിലെ ടൈപ് വണ്‍ പ്രമേഹത്തിനെതിരെയുള്ള ബോധവത്ക്കരണത്തിന്റെ ഭാഗമായാണ് പുതിയ ബാര്‍ബിയെ രംഗത്തിറക്കിയിരിക്കുന്നത്.

ഗ്ലൂക്കോസ് മോണിറ്റര്‍ അടക്കം ശരീരത്തില്‍ ഘടിപ്പിച്ചാണ് ബാര്‍ബി പുറത്തിറക്കിയിരിക്കുന്നത്.

ഈ രോഗത്തിന്റെ പിടിയിലായ കുട്ടികളെ ചേര്‍ത്തു നിര്‍ത്തലാണ് ലക്ഷ്യം.

പോള്‍ക്ക പുള്ളികളുള്ള ഉടുപ്പണിഞ്ഞ പാവകളാണ് വിപണിയിലിറക്കിയിരിക്കുന്നത്.

കൈകളില്‍ ഗ്ലൂക്കോസ് മോണിറ്റര്‍, ഇടുപ്പില്‍ ഇന്‍സുലിന്‍ പമ്പ്, ഷുഗര്‍ ലെവല്‍ കാണിക്കുന്ന മൊബൈല്‍ ഫോണ്‍ എന്നിവയെല്ലാമാണ് ഈ ബാര്‍ബിയിലുള്ളത്.

ജീവിതാവസാനം വരെ കൂടെ കൊണ്ടു നടക്കേണ്ട ഈ രോഗത്തോട് അതിന് ഇരയായ കുട്ടികളില്‍ പോസിറ്റീവ് മനോഭാവം വളര്‍ത്തിയെടുക്കാന്‍ വേണ്ടിയാണ് ഈ പുത്തന്‍ പരീക്ഷണം

ടൈപ്പ് വണ്‍ പ്രമേഹ ബാധിതരായ കുട്ടികള്‍ക്കും അവരുടെ സമപ്രായക്കാരായവര്‍ക്കും ഭയമില്ലാത്ത സമീപനം ഉണ്ടാക്കുമെന്നാണ് മനഃശാസ്ത്രജ്ഞര്‍ വ്യക്തമാക്കുന്നത്.