ഇയർബഡ്സ് ഉപയോഗിക്കുമ്പോൾ ശ്രദ്ധിക്കുക

ചെവി വൃത്തിയാക്കാൻ കോട്ടൺ ബഡ്സ് ഉപയോഗിക്കുന്നവരാണ് നമ്മളിൽ പലരും

എന്നാൽ ഈ ശീലം അത്രനല്ലതല്ല. ഗുണത്തേക്കാളേറെ കോട്ടൺ ബഡ്സുകൾ ദോഷമാണ് ചെയ്യുക.

ചെവിക്ക് വേദന

സാധാരണഗതിയില്‍ ചെവിക്കായം തനിയെ പുറത്തു പോകും. ബഡ്‌സ് ചെവിയിലേക്ക് കയറ്റുമ്പോള്‍ ചെവിക്കായം കൂടൂതല്‍ ഉള്ളിലേക്ക് കയറി പോകാന്‍ സാധ്യതയുണ്ട്. ഇത് ചെവിക്ക് വേദന, അസ്വസ്ഥത, കേള്‍വിക്കുറവു എന്നിവയിലേക്ക് നയിക്കാം.

പഞ്ഞി

ബഡ്ഡിന്റെ അറ്റത്തുള്ള പഞ്ഞി ചെവിക്കകത്തു തങ്ങി നില്‍ക്കാനോ ചെവിയുടെ സ്തരത്തിനു പോറല്‍ വീഴാനോ സാധ്യതയുണ്ട്.

അണുബാധ

കോട്ടണ്‍ ഇയര്‍ ബഡ്ഡുകള്‍ ഉപയോഗിക്കുന്നത് ബാക്ടീരിയ ചെവിക്കുള്ളില്‍ എത്താന്‍ കാരണമായേക്കാം. ഇത് അണുബാധയിലേക്ക് നയിക്കാം.

ചെവിക്കായം വര്‍ധിക്കും

കോട്ടണ്‍ ഇയര്‍ ബഡ്ഡുകള്‍ ചെവിയില്‍ തിരുകുന്നത് ചെവിയുടെ സ്വാഭാവികമായ ശുചീകരണ പ്രക്രിയയെ തടസപ്പെടുത്തുന്നു. ഇത് ചെവിക്കായം വര്‍ധിക്കാനും കാരണമാകും.

വാക്സ് നീക്കം ചെയ്യാം

വാക്‌സ് ഹുക്ക് എന്ന ഉപകരണം കൊണ്ട് തോണ്ടിയെടുത്ത് ചെവിക്കായം കളയാം

ചെവിയുടെ പുറത്തു കാണുന്ന ഭാഗമാണ് ബഡ്‌സ് ഉപയോഗിച്ചു വൃത്തിയാക്കേണ്ടത്. നനഞ്ഞ തുണി ഉപയോഗിച്ചും ചെവിയുടെ പുറത്തു കാണുന്ന ഭാഗം വൃത്തിയാക്കാം.