ഡക്കറ്റ് എഴുതിയ ചരിത്രം, ഇംഗ്ലണ്ടും

ചാംപ്യന്‍സ് ട്രോഫിയില്‍ അനുപമ റെക്കോര്‍ഡിട്ട് ഇംഗ്ലണ്ട് ബാറ്റര്‍ ബെന്‍ ഡക്കറ്റ്.

ഇംഗ്ലണ്ട് ടീമിനും ചരിത്ര നേട്ടം.

ചാംപ്യന്‍സ് ട്രോഫിയില്‍ ഒരു ബാറ്റര്‍ നേടുന്ന ഏറ്റവും ഉയര്‍ന്ന സ്‌കോറെന്ന നേട്ടം ഡക്കറ്റിന്.

ഓസ്‌ട്രേലിയക്കെതിരെ 143 പന്തില്‍ 165 റണ്‍സെടുത്താണ് താരം ചരിത്രമെഴുതിയത്.

ചാംപ്യന്‍സ് ട്രോഫി ചരിത്രത്തില്‍ 150 റണ്‍സിനു മുകളില്‍ വ്യക്തിഗത സ്‌കോര്‍ നേടുന്ന ആദ്യ താരമായി ഡക്കറ്റ് മാറി.

ന്യൂസിലന്‍ഡ് ഇതിഹാസം നതാന്‍ ആസില്‍ (2004), സിംബാബ്‌വെ ഇതിഹാസം ആന്‍ഡി ഫ്‌ളവര്‍ (2002) എന്നിവര്‍ നേടിയ 145 റണ്‍സിന്റെ റെക്കോര്‍ഡാണ് ഡക്കറ്റ് തകര്‍ത്തത്.

ഡക്കറ്റിന്റെ മൂന്നാം ഏകദിന സെഞ്ച്വറിയും ഉയര്‍ന്ന വ്യക്തിഗത സ്‌കോറും ഇതു തന്നെ.

ഇംഗ്ലണ്ട് നേടിയ ടോട്ടല്‍ 351 റണ്‍സാണ്. ചരിത്രത്തില്‍ ആദ്യമായാണ് ചാംപ്യന്‍സ് ട്രോഫിയില്‍ ഒരു ടീം 350 കടക്കുന്നത്.

2004ല്‍ യുഎസ്എയ്‌ക്കെതിരെ ന്യൂസിലന്‍ഡ് നേടിയ 347 റണ്‍സ് ടോട്ടലാണ് ഇംഗ്ലണ്ട് മറികടന്നത്.