ഇനി വെറും പാൽ അല്ല ​'ഗീ പാൽ' കുടിക്കൂ

നെയ്യിനും പാലിനുമെല്ലാമുള്ള ആരോഗ്യഗുണങ്ങളെ കുറിച്ച് അറിയുമെങ്കിലും ഇവ ഒരുമിച്ച് കഴിക്കുന്നതിനെ കുറിച്ചോ ഇതിന്‍റെ ആരോഗ്യഗുണങ്ങളെ കുറിച്ചോ പലര്‍ക്കും അറിയില്ല.

നെയ്യ് എപ്പോഴും ഇളംചൂട് പാലില്‍ വേണം ചേര്‍ത്ത് കഴിക്കാൻ.

പാലിൽ നെയ്യ് ചേര്‍ത്ത് കഴിക്കുന്നതിന്‍റെ ഗുണങ്ങള്‍ എന്തെല്ലാമാണെന്ന് നോക്കാം

വൈറ്റമിൻ-എ, വൈറ്റമിൻ-ഡി, വൈറ്റമിൻ-ഇ, വൈറ്റമിൻ-കെ എന്നിങ്ങനെയുള്ള വൈറ്റമിനുകള്‍ പാലില്‍ നിന്ന് കൃത്യമായി പിടിച്ചെടുക്കുന്നതിന് നെയ്യ് നമ്മളെ സഹായിക്കുന്നു.

ആരോഗ്യകരമായ കൊഴുപ്പാണ് നെയ്യില്‍ അടങ്ങിയിരിക്കുന്നത്. നമുക്ക് ഉന്മേഷം പകരാനും ആന്തരീകാവയവങ്ങളുടെ പ്രവര്‍ത്തനങ്ങള്‍ക്ക് വേഗത പകരാനുമെല്ലാം നെയ്യ് സഹായിക്കുന്നു.

പാലും നെയ്യും കൂടി ചേരുമ്പോള്‍ നമ്മുടെ എല്ലുകളുടെ ആരോഗ്യത്തെ ഒന്നുകൂടി മെച്ചപ്പെടുത്തും. പാലിലുള്ള കാത്സ്യമാണ് എല്ലുകള്‍ക്ക് ഗുണമാകുന്നത്. എന്നാല്‍ കാത്സ്യം ശരീരം വലിച്ചെടുക്കണമെങ്കില്‍ വൈറ്റമിൻ ഡി കൂടി ആവശ്യമാണ്. ഈ രണ്ട് ഘടകങ്ങളുടെയും കോംബോ ആണ് പാലും നെയ്യും കഴിക്കുമ്പോഴുണ്ടാകുന്നത്.

നെയ്യ് ദഹനപ്രവര്‍ത്തനങ്ങള്‍ മെച്ചപ്പെടുത്താൻ സഹായിക്കുന്നതാണ്. അതിനാല്‍ തന്നെ ദഹനപ്രശ്നങ്ങളുള്ളവര്‍ക്ക് പാലും നെയ്യും ചേര്‍ത്ത് കഴിക്കാവുന്നതാണ്.

നല്ല ഉറക്കത്തിനും പാലും നെയ്യും ഒരുമിച്ച് കഴിക്കുന്നത് ഗുണകരമാണ്. കിടക്കുന്നതിന് അല്‍പം മുമ്പായി ഇളം ചൂട് പാലില്‍ നെയ് കലര്‍ത്തി കഴിക്കുകയാണ് വേണ്ടത്.