ദിവസവും പേരയ്ക്ക കഴിക്കാറുണ്ടോ?

വിറ്റമിൻ സിയും ആൻ്റിഓക്‌സിഡൻ്റുകളും മഗ്നീഷ്യം, പൊട്ടാസ്യവും നാരുകളും കൊണ്ട് സമ്പന്നമാണ് പേരയ്ക്ക.

ദിവസവും ഒരു പേരയ്ക്കയെങ്കിലും ഭക്ഷണത്തിൽ ഉൾപ്പെടുത്തുന്നത് ആരോ​ഗ്യത്തിന് നല്ലതാണ്.

പേരയ്ക്കയുടെ ആരോ​ഗ്യഗുണങ്ങൾ നോക്കാം.

ഉയർന്ന പ്രോട്ടീൻ

ഒരു കപ്പ് പേരയ്ക്കയിൽ ഏകദേശം 4.2 ഗ്രാം പ്രോട്ടീൻ അടങ്ങിയിരിക്കുന്നു. ഇത് സമീകൃതാഹാരത്തിൽ ചേർക്കാൻ മികച്ചതാണ്. സസ്യാഹാരികൾക്ക് അവരുടെ പ്രോട്ടീൻ ഉപഭോ​ഗം വർധിപ്പിക്കാൻ ഇതിലൂടെ സഹായിക്കും.

വിറ്റാമിൻ സി

ഓറഞ്ചിൽ കാണപ്പെടുന്നതിന്റെ നാലിരട്ടി വിറ്റാമിൻ സി പേരയ്ക്കയിൽ ഉണ്ട്. ഇത് രോഗപ്രതിരോധ ശേഷി വർധിപ്പിക്കുന്നതിനും, ചർമത്തിന്റെ ആരോഗ്യം മെച്ചപ്പെടുത്തുന്നതിനും, ഇരുമ്പിന്റെ ആഗിരണം സഹായിക്കുന്നതിനും ഇത് മികച്ചതാണ്.

ഉയർന്ന നാരുകൾ

പേരയ്ക്കയിൽ നാരുകൾ ധാരാളമായി അടങ്ങിയിട്ടുണ്ട്. ഇത് ദഹനത്തെ പിന്തുണയ്ക്കുകയും ദീർഘനേരം വയറുനിറഞ്ഞതായി തോന്നൽ ഉണ്ടാക്കുകയും ചെയ്യുന്നു.

പഴം മുഴുവനായും കഴിക്കാം

തൊലിയും വിത്തുകളും ഉൾപ്പെടെ പേരക്ക മുഴുവനായും കഴിക്കാം. കുട്ടികള്‍ക്ക് സ്കൂളില്‍ കൊടുത്തുവിടാവുന്ന ലഘുഭക്ഷണം കൂടിയാണിത. തൊലി കളയാതെ തന്നെ കഴിക്കാം.