കട്ടൻ ചായ പ്രേമികൾ അറിഞ്ഞിരിക്കണം ഇക്കാര്യങ്ങൾ

ചായ മലയാളികൾക്ക് എന്നും ഒരു വീക്ക്നസ്സാണ്. ചായയിൽ തന്നെ കട്ടനാണ് മിക്കവരുടേയും ഇഷ്ട ഓപ്ഷൻ.

കട്ടന്‍ചായയോട് അതിയായ ഇഷ്ടമുള്ളവര്‍ ഈ കാര്യങ്ങള്‍ അറിഞ്ഞിരിക്കണം.

ദിവസം കൂടുതല്‍ ഉന്മേഷത്തോടെയും ഊര്‍ജത്തോടുകൂടിയിരിക്കാനും കട്ടന്‍ ചായ ഗുണം ചെയ്യും.

കട്ടന്‍ ചായയില്‍ പോളിഫെനോള്‍ എന്ന ആന്റിഓക്സിഡന്റ് ഉണ്ട്. വിട്ടുമാറാത്ത രോഗങ്ങളുടെ സാധ്യത കുറയ്ക്കാനും ഒരു വ്യക്തിയുടെ മൊത്തത്തിലുള്ള ആരോഗ്യം മെച്ചപ്പെടുത്താനും ഇത് സഹായിക്കും.

ക‌ട്ടൻചായയിലെ ഫ്‌ളേവനോയ്ഡുകള്‍ വിസറല്‍ കൊഴുപ്പ് കുറയ്ക്കുകയും അമിതവണ്ണം തടയാനും ഗുണം ചെയ്യും.

ഭക്ഷണത്തില്‍ കട്ടന്‍ ചായ ഉള്‍പ്പെടുത്തുന്നതിലൂടെ ആരോഗ്യകരമായ കൊഴുപ്പിന്റെ അളവ് നിലനിര്‍ത്താന്‍ ശരീരത്തെ പ്രാപ്തമാക്കും .

എന്നാൽ കട്ടന്‍ ചായയുടെ അമിത ഉപഭോഗം നല്ലതല്ല. കഫീന്‍ വൃക്കകള്‍ക്ക് നല്ലതാണെങ്കിലും കൂടുതല്‍ അളവില്‍ ശരീരത്തിലെത്തുന്നത് നല്ലതല്ല.

ഉയര്‍ന്ന അളവിലുള്ള കഫീന്‍ സിസ്റ്റോളിക്, ഡയസ്റ്റോളിക് രക്തസമ്മര്‍ദ്ദം കൂട്ടും.

കട്ടന്‍ ചായയില്‍ അടങ്ങിയിരിക്കുന്ന ഓക്സലേറ്റാണ് വൃക്കകളെ ഏറ്റവും കൂടുതല്‍ തകരാറിലാക്കുന്നത്. ഇത് കിഡ്നി സ്റ്റോണും വരുത്തിവെക്കും.

കട്ടന്‍ ചായയുടെ അമിത ഉപഭോഗം നിര്‍ജ്ജലീകരണം വരുത്തിവെക്കും.ഇതില്‍ ഗ്രീന്‍ ടീയേക്കാള്‍ ഉയര്‍ന്ന കഫീനുണ്ട്. ഇത് വലിയ അളവില്‍ കഴിച്ചാല്‍ നിര്‍ജ്ജലീകരണത്തിന് കാരണമാണ്.