ഇനി സ്പാമുകളെ ഭയപ്പെടേണ്ട!, വൈഫൈ റോമിങ്; ഏഴു പുതിയ സേവനങ്ങളുമായി ബിഎസ്എന്‍എല്‍

വൈഫൈ റോമിങ്: ഫൈബര്‍ ഇന്റര്‍നെറ്റ് ഉപഭോക്താക്കള്‍ക്കായി ബിഎസ്എന്‍എല്‍ ദേശീയ വൈഫൈ റോമിങ് സേവനം ആരംഭിച്ചു. ഉപയോക്താക്കള്‍ക്ക് ബിഎസ്എന്‍എല്‍ ഹോട്ട്സ്പോട്ടുകളില്‍ അധിക നിരക്കുകളില്ലാതെ അതിവേഗ ഇന്റര്‍നെറ്റ് ആസ്വദിക്കാനാകും. ഡാറ്റാ ചെലവ് കുറയ്ക്കാന്‍ സഹായിക്കുന്നു

സ്പാം ബ്ലോക്കിങ് സംവിധാനം: ഡേറ്റ ചോര്‍ത്തല്‍, വ്യാജ എസ്എംഎസുകള്‍ എന്നിവ സ്വന്തമായി ഫില്‍ട്ടര്‍ ചെയ്യുന്നതിനും തടുക്കുന്നതിനുമുള്ള സേവനമാണ് സ്പാം ബ്ലോക്കിങ് സംവിധാനം

ഫൈബര്‍ അധിഷ്ഠിത ടിവി സേവനം: 500-ലധികം ലൈവ് ചാനലുകളും പേ ടിവി ഓപ്ഷനുകളും ഉള്‍പ്പെടുന്ന ഒരു പുതിയ ഫൈബര്‍ അധിഷ്ഠിത ടിവി സേവനം ബിഎസ്എന്‍എല്‍ പ്രഖ്യാപിച്ചു. എല്ലാ ഫൈബര്‍ ഇന്റര്‍നെറ്റ് വരിക്കാര്‍ക്കും അധിക ചിലവില്ലാതെ ലഭ്യമാണ്. ടിവി സ്ട്രീമിങ്ങിനായി ഉപയോഗിക്കുന്ന ഡാറ്റ അവരുടെ പ്രതിമാസ ഇന്റര്‍നെറ്റ് വരിസംഖ്യയെ ബാധിക്കില്ല.

പ്രൈവറ്റ് 5ജി ഇന്‍ മൈന്‍സ്: മൈനിങ് സേവനങ്ങള്‍ക്കായുള്ള വിശ്വസനീയവും വേഗമേറിയതുമായ ഫൈവ് ജി കണക്ടിറ്റി

സിം കാര്‍ഡുകള്‍ക്കായി ഓട്ടോമേറ്റഡ് കിയോസ്‌ക്കുകള്‍: ഓട്ടോമേറ്റഡ് കിയോസ്‌ക്കുകള്‍ വഴി ഉപഭോക്താക്കള്‍ക്ക് സിം കാര്‍ഡ് വാങ്ങാന്‍ കഴിയുന്ന പദ്ധതി. ഈ കിയോസ്‌ക്കുകള്‍ സിം കാര്‍ഡുകള്‍ എളുപ്പത്തില്‍ വാങ്ങാനോ അപ്ഗ്രേഡ് ചെയ്യാനോ മാറാനോ അനുവദിക്കും

ഡയറക്ട് ടു ഡിവൈസ് കണക്ടിവിറ്റി: ഉപഗ്രഹവും മൊബൈല്‍ നെറ്റ്വര്‍ക്കുകളും സമന്വയിപ്പിക്കുന്ന ഇന്ത്യയിലെ ആദ്യത്തെ ഡയറക്ട്-ടു-ഡിവൈസ് (D2D) കണക്റ്റിവിറ്റി സൊല്യൂഷന്‍ ബിഎസ്എന്‍എല്‍ അവതരിപ്പിച്ചു. സാധാരണ കണക്റ്റിവിറ്റി ഇല്ലാത്ത സ്ഥലങ്ങളില്‍ പോലും ഡിജിറ്റല്‍ പേയ്മെന്റുകള്‍ പോലുള്ള പ്രവര്‍ത്തനങ്ങള്‍ അനുവദിക്കുന്ന ഈ നൂതന സേവനം അടിയന്തര സാഹചര്യങ്ങളിലും വിദൂര പ്രദേശങ്ങളിലും ഏറെ ഗുണം ചെയ്യും.

പബ്ലിക് പ്രൊട്ടക്ഷന്‍ ആന്റ് ഡിസാസ്റ്റര്‍ റിലീഫ്: പ്രതിസന്ധി ഘട്ടങ്ങളില്‍ സര്‍ക്കാരിനും ദുരിതാശ്വാസ ഏജന്‍സികള്‍ക്കും വേണ്ടിയുള്ള രാജ്യത്തെ ആദ്യത്തെ എന്‍ക്രിപ്റ്റഡ് നെറ്റ് വര്‍ക്ക് സംവിധാനം