പ്രമേഹ രോഗികൾക്ക് നേന്ത്രപ്പഴം കഴിക്കാമോ?

പ്രമേഹ രോഗികൾക്ക് ഏറ്റവും സംശയമുള്ളത് ഭക്ഷണകാര്യത്തിലാണ്.

മധുരം കഴിക്കാമോ, പായസം കുടിക്കാമോ തുടങ്ങി പല സംശയങ്ങളും പ്രമേഹ രോഗികള്‍ക്കുണ്ട്.

എപ്പോഴും ഉയരുന്ന ചോദ്യമാണ് പ്രമേഹ രോഗികള്‍ക്ക് നേന്ത്രപ്പഴം കഴിക്കാമോ എന്നത്.

വളരെയേറെ പോഷക ഗുണങ്ങള്‍ അടങ്ങിയതാണ് നേന്ത്രപ്പഴം. വിറ്റാമിന്‍ എ, ബി, പൊട്ടാസ്യം, മഗ്നീഷ്യം എന്നിവ ധാരാളം അടങ്ങിയ നേന്ത്രപ്പഴം ആരോഗ്യത്തിന് ഏറേ നല്ലതാണ്.

പൊട്ടാസ്യം ധാരാളം അടങ്ങിയിട്ടുള്ളതിനാല്‍ ഇവ രക്തസമ്മര്‍ദ്ദത്തെ നിയന്ത്രിക്കാന്‍ സഹായിക്കും.

മധുരം ധാരാളം അടങ്ങിയതും കാര്‍ബോഹൈഡ്രേറ്റ് അടങ്ങിയതുമാണ് നേന്ത്രപ്പഴം.

ഇവയുടെ ഗ്ലൈസീമിക് ഇന്‍ഡെക്‌സും ചെറുതല്ല.എന്നാൽ ഫൈബര്‍ ധാരാളം അടങ്ങിയിട്ടുള്ള ഫലം കൂടിയാണ് നേന്ത്രപ്പഴം.

നേന്ത്രപ്പഴം പ്രമേഹരോഗികള്‍ കഴിക്കുന്നതില്‍ തെറ്റില്ല എന്നാണ് വിദഗ്ധര്‍ പറയുന്നത്.

പക്ഷെ പ്രമേഹ രോ​ഗികൾ നേന്ത്രപ്പഴം കഴിക്കുന്നതിന്‍റെ അളവ് ശ്രദ്ധിക്കേണ്ടതുണ്ട്. ഒപ്പം കഴിക്കുന്ന രീതി അനുസരിച്ച് ഗ്ലൈസീമിക് ഇന്‍ഡെക്‌സ് ലെവൽ കുറയ്ക്കാൻ കഴിയുമെന്നാണ് വിദഗ്ധര്‍ പറയുന്നത്.

പ്രമേഹരോഗികള്‍ നട്സിനോടപ്പം നേന്ത്രപ്പഴം കഴിക്കുന്നതാണ് നല്ലത്. ഗ്ലൈസീമിക് ഇന്‍ഡെക്‌സ് നില കൂടാതിരിക്കാന്‍ ഇത് സഹായിക്കും.

സാലഡിലും ഗ്ലൈസീമിക് ഇന്‍ഡെക്‌സ് നില കുറഞ്ഞ മറ്റ് ഭക്ഷണങ്ങളോടൊപ്പവും നേന്ത്രപ്പഴം കഴിക്കാവുന്നതാണ്.

പ്രമേഹരോ​ഗികൾക്ക് ആഴ്ചയിൽ ഒന്നോ രണ്ടോ തവണ നേന്ത്രപ്പഴം കഴിക്കാവുന്നതാണ്.