നഖങ്ങൾ പൊട്ടുന്നത് തടയാം

നഖങ്ങൾ എപ്പോഴും ആരോഗ്യത്തോടെയും മനോഹരമായും സൂക്ഷിക്കാൻ ശ്രദ്ധിക്കേണ്ടതാണ്.

വീട്ട്‌ ജോലികളും ശരിയായ സംരക്ഷണമില്ലായ്‌മയും നഖങ്ങള്‍ പൊട്ടുന്നതിന്‌ കാരണമാകുന്നു.

നഖങ്ങൾ പൊട്ടുന്നത് തടയാൻ ശ്രദ്ധിക്കേണ്ട ചില കാര്യങ്ങൾ നോക്കാം.

ജലാംശം കുറയുന്നത് നഖങ്ങൾ വളരെ പെട്ടെന്ന് പൊട്ടി പോകാൻ കാരണമാകും. അതിനാൽ ആവശ്യത്തിന് വെള്ളം കുടിക്കുന്നതും നഖങ്ങളുടെ ആരോഗ്യത്തിന് നല്ലതാണ്.

ബയോട്ടിൻ അടങ്ങിയ ഭക്ഷണങ്ങൾ കഴിക്കുന്നത് നല്ലതാണ്. പയറു വർഗ്ഗങ്ങൾ, ആഴക്കടൽ മത്സ്യങ്ങൾ, മുട്ട എന്നിവയിൽ ധാരാളമായി അടങ്ങിയിട്ടുള്ള ബി വിറ്റാമിനാണ് ബയോട്ടിൻ.

വീര്യം കൂടിയ കെമിക്കലുകൾ അടങ്ങിയ ഉത്പന്നങ്ങൾ നഖങ്ങളിൽ ഉപയോഗിക്കാതിരിക്കാൻ പ്രത്യേകം ശ്രദ്ധിക്കണം. ഇവ നഖങ്ങൾ പെട്ടന്ന് നശിച്ച്പോകുന്നതിന് കാരണമാകുന്നു.

കൈകളിലും നഖങ്ങളിലും മോയ്സ്ചറൈസിംഗ് ഹാൻഡ് ലോഷൻ ഉപയോഗിക്കുന്നത് നഖങ്ങളുടെ ജലാംശം നിലനിർത്താൻ സഹായിക്കും. കൈകൾ കഴുകിയ ശേഷം ഇത്തരം ലോഷനുകൾ പുരട്ടാം.