നിങ്ങൾക്ക് ടെൻഷൻ തലവേദന ഉണ്ടോ? എങ്കിൽ ഇവ ചെയ്യൂ

യാതൊരു രോഗത്തിന്റെയും ഭാഗമല്ലാതെ, ടെൻഷൻ വരുമ്പോൾ മാത്രം ഉണ്ടാകുന്ന തലവേദനയെയാണ് ടെൻഷൻ തലവേദന എന്ന് വിളിക്കുന്നത്.

ടെൻഷൻ തലവേദന സാധാരണയായി ആരംഭിക്കുന്നത് തലയുടെ ഇരുവശങ്ങളിലേക്കും വ്യാപിക്കുന്ന, വലിഞ്ഞുമുറുകുന്നതുപോലെയുള്ള ഒരനുഭവത്തോടെയാണ്.

പേശികളുടെ പിരിമുറുക്കവും കേന്ദ്രനാഡീവ്യൂഹത്തിലുണ്ടാകുന്ന ബുദ്ധിമുട്ടുകളും ചേർന്നാണ് പലപ്പോഴും ടെൻഷൻ തലവേദന ഉണ്ടാകുന്നത്.

ടെൻഷൻ തലവേദന എങ്ങനെ കൈകാര്യം ചെയ്യാം എന്ന് നോക്കാം.

ഡിജിറ്റൽ സ്ക്രീനുകളിൽ നിന്ന് അകലം പാലിക്കുകയും കണ്ണിനും മറ്റ് ശരീര പേശികൾക്കും വിശ്രമം നൽകാനായി ചെറിയ ഇടവേളകൾ എടുക്കുകയും ചെയ്യുക.

കഴുത്ത്, തോൾ ഭാഗങ്ങളിലെ പേശികളെ റിലാക്സ് ചെയ്യിക്കാനുള്ള ലഘുവായ വ്യായാമങ്ങൾ ചെയ്യാം.

പിരിമുറുക്കമുള്ള കഴുത്തിലും തോളുകളിലും ചൂടുവെക്കുന്നത് പേശികൾക്ക് അയവ് നൽകാനും വേദന കുറയ്ക്കാനും സഹായിക്കും.

നന്നായി വെള്ളം കുടിക്കുന്നത് ശരീരത്തിൽ ജലാംശം നിലനിർത്താനും ശാരീരിക ക്ഷീണം തടയാനും സഹായിക്കും.

തലവേദന നിലനിൽക്കുകയാണെങ്കിൽ, ഡോക്ടറുടെ നിർദ്ദേശാനുസരണം ലളിതമായ വേദന സംഹാരികൾ മിതമായി ഉപയോഗിക്കാവുന്നതാണ്.