സമകാലിക മലയാളം ഡെസ്ക്
ശരീരത്തിൽ ജലാംശം നിലനിർത്താൻ ദിവസവും എട്ട് ഗ്ലാസ് വെള്ളം വരെ കുടിക്കണം. എന്നാൽ വെള്ളം എപ്പോഴൊക്കെ കുടിക്കണം? പലരുടെ ചെയ്യുന്ന ഒരു അബദ്ധമാണ് ഭക്ഷണത്തിനിടെ വെള്ളം കുടിക്കുന്നത്.
ഭക്ഷണത്തിനിടെ വെള്ളം കുടിക്കുന്നത് ദഹിക്കാന് ആവശ്യമായ എന്സൈമുകളെ നേര്പ്പിക്കാന് കാരണമാകും. മാത്രമല്ല, തണുത്ത വെള്ളം കുടിക്കുന്നത് ഭക്ഷണത്തിലുള്ള എണ്ണമയമടങ്ങിയ പദാര്ത്ഥങ്ങളെ കട്ടിയാക്കുകയും ഇത് വളരെ പെട്ടെന്ന് കൊഴിപ്പായി മാറുകയും ചെയ്യും.
ഭക്ഷണത്തിന് മുമ്പ് വെള്ളം കുടിക്കാമോ?
ഉച്ചഭക്ഷണത്തിനും അത്താഴത്തിനും തൊട്ടു മുമ്പ് വെള്ളം കുടിക്കുന്ന ശീലം പലര്ക്കുമുണ്ട്. ഇത് ദഹനത്തെയും പോഷകങ്ങളെ ആഗിരണം ചെയ്യുന്നതിനെയും പ്രതികൂലമായി ബാധിക്കും.
ഗ്യാസ്ട്രിക് സിസ്റ്റത്തില് ഒരു ദ്രാവക-ഖര അനുപാതമുണ്ട്. ഭക്ഷണത്തിന് മുമ്പ് വെള്ളം കുടിക്കുന്നത് ഭക്ഷണത്തെ നേര്പ്പിക്കുക മാത്രമല്ല ദഹന പ്രക്രിയയെ വേഗത്തിലാക്കുകയും ചെയ്യും. അതുകൊണ്ട് ഭക്ഷണത്തിന് തൊട്ടുമുന്പ് വെള്ളം കുടിക്കുന്നതിന് പകരം അര മണിക്കൂര് മുന്പെങ്കിലും വെള്ളം കുടിക്കുക.
ഭക്ഷണത്തിന് ശേഷമോ?
ഭക്ഷണത്തിന് മുമ്പും അതിനിടയിലും വെള്ളം കുടിക്കുന്നതിനെ അത്ര കണ്ട് പ്രോത്സാഹിപ്പിക്കുന്നില്ല, അപ്പോള് ഭക്ഷണ ശേഷം വെള്ളം കുടിക്കാമോ? പാടില്ല എന്നാണ് പല വിദഗ്ധരും പറയുന്നത്. ദഹനപ്രക്രിയയെ ഇത് തടസ്സപ്പെടുത്തും.
ഇത് ദഹിക്കാത്ത ഭക്ഷണത്തില് നിന്നുള്ള ഗ്ലൂക്കോസ് കൊഴുപ്പായി മാറുന്നതിനും ശരീരത്തിലെ ഇന്സുലിന് അളവിനെ ബാധിക്കാനും കാരണമാകും.
ഭക്ഷണത്തിന് ശേഷം ഒരു ഗ്ലാസ് വെള്ളം പൂര്ണ്ണമായും കുടിക്കുന്നതിന് പകരം ചെറിയ അളവില് കുടിക്കുന്നതാണ് നല്ലത്. അപ്പോഴും തണുത്ത വെള്ളം കുടിക്കാതിരിക്കാനും ശ്രദ്ധിക്കണം.