വിറക് അടുപ്പ് ഉപയോ​ഗിക്കുമ്പോഴും വേണം ശ്രദ്ധ

പഴയകാലം മുതൽ ​ഗ്രാമപ്രദേശങ്ങളിൽ വ്യാപകമായി ഉപയോ​ഗിച്ചുവരുന്ന പാചക മാർ​ഗമാണ് വിറക് അടുപ്പ്.ഇന്നും പല വീടുകളിലും ഇത് ഉപയോ​ഗിക്കുന്നുണ്ട്.

രുചിയേറിയ ഭക്ഷണത്തിനും ചെലവ് കുറയ്ക്കുന്നതിനും ഇത് സഹായിക്കുന്നുവെങ്കിലും, ശരിയായ രീതിയിൽ ഉപയോഗിക്കാത്ത പക്ഷം പുകയും തീപിടിത്തവും പോലുള്ള പ്രശ്നങ്ങൾ ഉണ്ടാകാൻ സാധ്യതയുണ്ട്.

അതുകൊണ്ട് വിറക് അടുപ്പ് ഉപയോഗിക്കുമ്പോൾ ചില ലളിതമായ മുൻകരുതലുകൾ പാലിക്കുന്നത് സുരക്ഷിതവും സൗകര്യപ്രദവുമായി പാചകം നടത്താൻ സഹായിക്കും.

ഉണങ്ങിയ വിറക്

നന്നായി ഉണങ്ങിയ വിറക് ഉപയോ​ഗിച്ചാൽ തീ വേ​ഗത്തിൽ പിടിക്കുകയും പുക കുറവായിരിക്കുകയും ചെയ്യും,

വായു സഞ്ചാരം

അടുക്കളയിൽ വായുസഞ്ചാരം നല്ലതായിരിക്കണം. പുക പുറത്തേയ്ക്ക് പോകാൻ സൗകര്യമുള്ള സ്ഥലത്ത് അടുപ്പ് സ്ഥാപിക്കുക.

ആവശ്യത്തിന് വിറക്

വിറക് അധികമായി ഇടുന്നത് തീ നിയന്ത്രിക്കാൻ ബുദ്ധിമുട്ടുണ്ടാക്കും. ആവശ്യത്തിന് മാത്രം വിറക് ഉപയോ​ഗിക്കുക.

നീക്കം ചെയ്യണം

പാചകം കഴിഞ്ഞാൽ അടുപ്പിൽ അടിഞ്ഞുകൂടുന്ന ചാരവും കരിയും നീക്കം ചെയ്യണം.

നല്ലത്

അപകടങ്ങൾ ഒഴിവാക്കാൻ അടുപ്പിനടുത്ത് എപ്പോഴും ഒരു പാത്രത്തിൽ വെള്ളം സൂക്ഷിച്ച് വെയ്ക്കുന്നത് നല്ലതാണ്.