സമകാലിക മലയാളം ഡെസ്ക്
പിഎസ്ജിയെ ചാംപ്യന്‍സ് ലീഗ് ( UEFA Champions League) കിരീടമെന്ന ചരിത്ര നേട്ടത്തിലേക്ക് നയിച്ച് സ്പാനിഷ് പരിശീലകന്‍ ലൂയീസ് എൻറിക്കെ.
ക്ലബിന്റെ ചരിത്രത്തിലെ ആദ്യ യൂറോപ്യന്‍ കിരീട നേട്ടമാണിത്. ഫൈനലില്‍ ഇന്റര്‍ മിലാനെ 5-0ത്തിനു തകര്‍ത്താണ് പിഎസ്ജി കന്നി കിരീടം സ്വന്തമാക്കിയത്.
രണ്ട് വ്യത്യസ്ത ടീമുകള്‍ക്കൊപ്പം ചാംപ്യന്‍സ് ലീഗ് കിരീടം നേടിയ പരിശീലകരുടെ പട്ടികയില്‍ എൻറിക്കെയും എത്തി. ബാഴ്‌സലോണയ്‌ക്കൊപ്പവും എൻറിക്കെക്ക് നേട്ടമുണ്ട്.
എര്‍നസ്റ്റ് ഹാപ്പല്‍, ഒട്ടാമര്‍ ഹിറ്റ്‌സ്ഫീല്‍ഡ്, ജുപ്പ് ഹെയ്നക്സ്, പെപ് ഗ്വാര്‍ഡിയോള, കാര്‍ലോ ആഞ്ചലോട്ടി, ഹോസെ മൗറീഞ്ഞോ എന്നിവരാണ് നേരത്തെ നേട്ടം സ്വന്തമാക്കിയവര്‍.
എര്‍നസ്റ്റ് ഹാപ്പല്‍- ഇതിഹാസ ഓസ്ട്രിയന്‍ പരിശീലകന്‍ ഫെയനൂര്‍ദ്, ഹാംബര്‍ഗ് ടീമുകള്‍ക്ക് കിരീടം സമ്മാനിച്ചു.
ഒട്ടാമര്‍ ഹിറ്റ്‌സ്ഫീല്‍ഡ്- ജര്‍മന്‍ അതികായരായ ബയേണ്‍ മ്യൂണിക്ക്, ബൊറൂസി ഡോര്‍ട്മുണ്ട് ടീമുകള്‍ക്ക് കിരീടം നേടിക്കൊടുത്തു.
ജുപ്പ് ഹെയ്നക്സ്- റയൽ മാഡ്രിഡിനും പിന്നീട് ബയേൺ മ്യൂണിക്കിനും കിരീടം സമ്മാനിച്ചു.
പെപ് ഗ്വാര്‍ഡിയോള- ബാഴ്‌സലോണയ്ക്കും പിന്നീട് മാഞ്ചസ്റ്റര്‍ സിറ്റിക്കും കിരീടം നേടിക്കൊടുത്തു. (സിറ്റിയുടെ ആദ്യ യൂറോപ്യന്‍ ഗ്ലോറി).
കാര്‍ലോ ആഞ്ചലോട്ടി- എസി മിലാന്‍, റയല്‍ മാഡ്രിഡ് ടീമുകളെ ചാംപ്യന്‍സ് ലീഗ് നേട്ടത്തിലെത്തിച്ചു.
ഹോസെ മൗറീഞ്ഞോ- എഫ്‌സി പോര്‍ട്ടോയ്ക്കാണ് മൗറീഞ്ഞോ ആദ്യം നേട്ടം സമ്മാനിച്ചത്. പിന്നീട് ഇന്റര്‍ മിലാനും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates