കാപ്പിപ്പൊടി മതി, പൂന്തോട്ടത്തിലെ കീടങ്ങളെ തുരത്താൻ

അടുക്കളത്തോട്ടവും പൂന്തോട്ടവും ഉണ്ടാക്കാനും പരിപാലിക്കുവാനും എല്ലാവർക്കും ഇഷ്ടമാണ്.

എന്നാൽ ചെടികളിലുണ്ടാകുന്ന കീടങ്ങളെ നശിപ്പിക്കാനാണ് കഷ്ടപ്പാടുള്ളത്.

രാസവസ്തുക്കൾ ചേർത്ത വളങ്ങൾ ഉപയോ​ഗിക്കുമ്പോൾ അത് ചെടികളെ മാത്രമല്ല മനുഷ്യന്റെ ആരോ​ഗ്യത്തേയും ബാധിക്കാറുണ്ട്.

ചെടിയിലെ കീടങ്ങളെ തടയാൻ കാപ്പിപ്പൊടി എങ്ങനെയെല്ലാം ഉപയോ​ഗിക്കാം എന്ന് നോക്കാം.

കാപ്പിപ്പൊടി ചെടികൾക്കു ചുറ്റും വിതറിയിട്ടാൽ ചെടിയിൽ ഉണ്ടാകുന്ന കീടശല്യം ഇല്ലാതാവും. കൂടാതെ ഒച്ച്, അട്ട എന്നിവയെ തുരത്താനും കാപ്പിപ്പൊടി നല്ലതാണ്.

കാപ്പിപ്പൊടിയിൽ നൈട്രജൻ പോലുള്ള പോഷകങ്ങൾ അടങ്ങിയിരിക്കുന്നതിനാൽ മണ്ണിന്റെ ഗുണം മെച്ചപ്പെടുത്തുന്നതിന് സഹായകമാകുന്നു. അതിനാൽ കാപ്പിപ്പൊടി ചെടികൾക്ക് വളമായും ഉപയോ​ഗാക്കാം. ഇത് വേരുകൾ നന്നായി വളരാനും മണ്ണിൽ ഈർപ്പം നിലനിർത്താനും സഹായിക്കുന്നു.

ഉറുമ്പുകളും മറ്റു കീടങ്ങളും വരുന്നതിനെ തടയാനും മണ്ണിൽ ഈർപ്പം നിലനിർത്താനും കാപ്പിപ്പൊടി മതി. ഇത് ചെടിക്ക് ചുറ്റും ഒരു സംരക്ഷണ വലയമായി ഇട്ടാൽ മതി.

ഓറഞ്ചിന്റെ തൊലി, പൊടിച്ച മുട്ടത്തോട് എന്നിവയ്‌ക്കൊപ്പം കാപ്പിപ്പൊടി ചേർത്ത് ചെടികൾക്ക് ചുറ്റുമിടുന്നത് കീടങ്ങളെ അകറ്റി നിർത്താൻ സഹായിക്കുന്നു.