ഈ ഒരു ഐറ്റം മതി, കൈകളിലേയും അടുക്കളയിലേയും രൂക്ഷ ​ഗന്ധം മാറാൻ

സവാള, വെളുത്തുള്ളി, മീൻ എന്നിവ കൈകാര്യം ചെയ്തതിനുശേഷം കൈകളിൽ അവശേഷിക്കുന്ന കഠിനമായ ഗന്ധങ്ങൾ മാറ്റാനും അടുക്കളയിൽ ഉണ്ടാകുന്ന രൂക്ഷ​ഗന്ധം മാറ്റാനും കാപ്പിപ്പൊടി വളരെ ഫലപ്രദമാണ്.

രൂക്ഷ ​ഗന്ധങ്ങൾ മാറ്റാൻ കാപ്പിപ്പൊടി എങ്ങനെയെല്ലാം ഉപയോ​ഗിക്കാം എന്ന് നോക്കാം.

മീൻ കഴുകിയ ശേഷം കൈകളിൽ അൽപം കാപ്പിപ്പൊടി എടുത്ത് നന്നായി ഉരസിയതിന് ശേഷം കഴുകി കളഞ്ഞാൽ കയ്യിൽ പറ്റിപ്പിടിച്ചിരിക്കുന്ന മീൻ മണം മാറികിട്ടും. കാപ്പിയിലെ ശക്തമായ സുഗന്ധം മീൻ ഗന്ധത്തെ വേഗത്തിൽ ഇല്ലാതാക്കാൻ സഹായിക്കും.

ഉള്ളി, വെളുത്തുള്ളി എന്നിവ അരിഞ്ഞ ശേഷം കൈകളിൽ ഉണ്ടാകുന്ന മണം മാറാൻ അല്പം കാപ്പിപ്പൊടി ഉപയോഗിച്ച് കൈ കഴുകുക.

പാത്രങ്ങളിലുണ്ടാകുന്ന ഗന്ധം നീക്കം ചെയ്യാൻ അൽപ്പം നാരങ്ങാനീരും അല്പം കാപ്പിപ്പൊടിയും ചേർത്ത് കഴുകിയാൽ മതി.

ഫ്രിഡ്ജിലെ ദുർഗന്ധം മാറാൻ ഉണങ്ങിയ കാപ്പിപ്പൊടി ഒരു ചെറിയ പാത്രത്തിലാക്കി ഫ്രിഡ്ജിനുള്ളിൽ വെക്കുക. ഇത് ഫ്രിഡ്ജിലെ മറ്റ് ആഹാരസാധനങ്ങളുടെ മണം വലിച്ചെടുക്കും.

ഒരു പാത്രത്തിൽ കാപ്പിപ്പൊടി തുറന്നുവെക്കുന്നത് അടുക്കളയിലെ മറ്റ് രൂക്ഷഗന്ധങ്ങളെ ആഗിരണം ചെയ്യാൻ സഹായിക്കും.