വീട്ടിലെ ഈ ഒരു ഐറ്റം മതി മുഖത്തെ ചുളിവുകൾ മാറ്റി ചെറുപ്പമാകാൻ

ചുളിവുകളില്ലാത്ത, തിളക്കമുള്ള ചർമ്മം ആഗ്രഹിക്കാത്തവർ ഉണ്ടാകില്ല.

വിലകൂടിയ ക്രീമുകളും ട്രീറ്റ്മെന്റുകളും ഇല്ലാതെ മുഖത്തെ ചുളിവുകളും കറുത്തപാടുകളും അകറ്റി ചെറുപ്പമായിരിക്കാൻ സഹായിക്കുന്ന ഒന്നാണ് കാപ്പിപ്പൊടി.

കാപ്പിയിൽ ആന്റിഓക്‌സിഡന്റുകളും ആന്റി-ഇൻഫ്ലമേറ്ററി ഗുണങ്ങളും ധാരാളമായി അടങ്ങിയിട്ടുണ്ട്. ഇവ ചര്‍മത്തിന്റെ ആരോഗ്യം മെച്ചപ്പെടുത്താന്‍ സഹായിക്കും.

ചര്‍മം തിളങ്ങാന്‍ സഹായിക്കുന്ന 4 കാപ്പിപ്പൊടി ഫെയ്സ്പാക്കുകള്‍ പരിചയപ്പെടാം

വെളിച്ചെണ്ണ-കാപ്പിപ്പൊടി-പഞ്ചസാര ഫെയ്​സ്​പാക്ക്

വെളിച്ചെണ്ണ ചൂടാക്കിയശേഷം അതിലേയ്ക്ക് അല്പം കാപ്പിപ്പൊടിയും പഞ്ചസാരയും ചേർത്ത് യോജിപ്പിക്കുക. ശേഷം ഈ പാക്ക് മുഖത്തും കഴുത്തിലുമായി പുരട്ടുക. പതിനഞ്ച് മിനിട്ടുകൾക്ക് ശേഷം തണുത്ത വെള്ളത്തിൽ മുഖം കഴുകുക.

കാപ്പിപ്പൊടി-ഒലിവ് ഓയിൽ ഫെയ്സ്പാക്ക്

അല്പം കാപ്പിപ്പൊടി ഒലീവ് ഓയിലിലോ പാലിലോ യോജിപ്പിച്ച് മുഖത്തും കഴുത്തിലുമായി പുരട്ടുക. ശേഷം 20 മിനുട്ട് കഴിഞ്ഞ് കഴുകിക്കളയുക. ആഴ്ചയിൽ രണ്ടോ മൂന്നോ തവണ ഇങ്ങനെ ചെയ്യാം.

കാപ്പിപ്പൊടി-റോസ് വാട്ടർ ഫെയ്സ്പാക്ക്

ഒരു സ്പൂൺ കാപ്പിപ്പൊടിയും അല്പം റോസ് വാട്ടറും യോജിപ്പിച്ച് മുഖത്തും കഴുത്തിലുമായി പുരട്ടുക. 15 മിനുട്ടിന് ശേഷം കഴുകി കളയുക.

കാപ്പിപ്പൊടി-കറ്റാർവാഴ ജെൽ ഫെയ്സ്പാക്ക്

1 സ്പൂൺ കാപ്പിപ്പൊടിയും അൽപം കറ്റാർവാഴ ജെല്ലും യോജിപ്പിച്ച് മുഖത്തും കഴുത്തിലുമായി പുരട്ടുക. 15 മിനിട്ട് നേരം മസാജ് ചെയ്യുക. ശേഷം മുഖം കഴുകി വൃത്തിയാക്കുക.