'വാട്‌സ്ആപ്പ്', ജനപ്രിയആപ്പ് നിരോധിച്ച രാജ്യങ്ങള്‍

ലോകത്തിലെ ഏറ്റവും ജനപ്രിയമായ ആപ്പുകളിൽ ഒന്നാണ് വാട്‌സ്ആപ്പ്.

കോടിക്കണക്കിന് ആളുകൾ ദിനംപ്രതി ആശയവിനിമയത്തിനായി ഈ പ്ലാറ്റ്ഫോം ഉപയോഗിക്കുന്നു.

എന്നാൽ ദേശീയ സുരക്ഷ, വിവര നിയന്ത്രണം, പ്രാദേശിക നിയമങ്ങൾ, സർക്കാർ നിരീക്ഷണം എന്നിവയുൾപ്പെടെയുള്ള വിവിധ കാരണങ്ങളാൽ ചില രാജ്യങ്ങൾ വാട്‌സ്ആപ്പിന് പൂർണമായോ ഭാഗികമായോ നിയന്ത്രണങ്ങൾ ഏർപ്പെടുത്തിയിട്ടുണ്ട്.

വാട്‌സ്ആപ്പ് നിരോധിക്കപ്പെട്ടതോ നിയന്ത്രണങ്ങൾ നേരിടുന്നതോ ആയ ചില രാജ്യങ്ങളെക്കുറിച്ച് അറിയാം.

റഷ്യ

നിയമപരമായ ലംഘനങ്ങള്‍ ആരോപിച്ച് വാട്സ്ആപ്പിനെ വിലക്കിയ ഒടുവിലത്തെ രാജ്യമാണ് റഷ്യ. 2026 ഫെബ്രുവരി മുതലാണ് റഷ്യയിൽ ആപ്പിന് വിലക്കേര്‍പ്പെടുത്തിയത്. കഴിഞ്ഞ വര്‍ഷം റഷ്യ ചില വാട്സ്ആപ്പ് കോളുകള്‍ക്ക് നിയന്ത്രണം ഏര്‍പ്പെടുത്തിയിരുന്നു.

ചൈന

2017 ല്‍, ചൈന ഗ്രേറ്റ് ഫയര്‍വാള്‍ എന്ന പേരില്‍ ഒരു സമഗ്ര വാട്സ്ആപ്പ് നിരോധനം നടപ്പിലാക്കി, വിദേശ സെര്‍വറുകളുമായുള്ള എല്ലാ ട്രാഫിക്കും തടഞ്ഞു. വാട്സ്ആപ്പിന്റെ എന്‍ഡ്-ടു-എന്‍ഡ് എന്‍ക്രിപ്ഷനെ സര്‍ക്കാര്‍ ഭരണകൂട നിരീക്ഷണ ശേഷികള്‍ക്ക് ഭീഷണിയായി കാണുന്നു. പ്രധാനമായും ഇന്‍ഫര്‍മേഷന്‍ മാനേജ്മെന്റും സെന്‍സര്‍ഷിപ്പുമായും ബന്ധപ്പെട്ടായിരുന്നു നിയന്ത്രണം.‌

ഉത്തരകൊറിയ

ലോകത്തിലെ ഏറ്റവും നിയന്ത്രിതമായ ഇന്റര്‍നെറ്റ് സംവിധാനങ്ങളിലൊന്നാണ് ഉത്തരകൊറിയയിലുള്ളത്. 2016 മുതല്‍ രാജ്യത്തെ ആളുകള്‍ക്ക് വാട്സ്ആപ്പും ഫെയ്‌സ്ബുക്ക്, യൂട്യൂബ്, ട്വിറ്റര്‍ പോലുള്ള പ്ലാറ്റ്ഫോമുകളും ഉപയോഗിക്കാന്‍ കഴിയില്ല.

യുഎഇ

2017 മുതല്‍ വാട്സ്ആപ്പ് ഉള്‍പ്പെടെയുള്ള മിക്ക വോയ്സ് ഓവര്‍ ഇന്റര്‍നെറ്റ് പ്രോട്ടോക്കോള്‍ സേവനങ്ങളും യുഎഇ വിലക്കി. വാട്സ്ആപ്പ് വോയ്സ്, വിഡിയോ കോളുകള്‍ക്ക് നിയന്ത്രണം കൊണ്ടുവന്നിട്ടുണ്ട്. എന്നാല്‍ ടെക്സ്റ്റ് മെസേജിങ് അനുവദനീയമാണ്.

ഇറാന്‍

കഴിഞ്ഞ 10 വര്‍ഷത്തിനിടെ ഇറാന്‍ പലതവണ വാട്സ്ആപ്പ് നിരോധനങ്ങള്‍ പിന്‍വലിക്കുകയും പുനഃസ്ഥാപിക്കുകയും ചെയ്തിട്ടുണ്ട്, രാജ്യത്തെ രാഷ്ട്രീയ സാഹചര്യങ്ങളായിരുന്നു വിലക്കുകള്‍ക്ക് കാരണം. 2024 ല്‍ ഇറാന്‍ വാട്സ്ആപ്പിനുള്ള വിലക്ക് പിന്‍വലിച്ചു