കാൽപാദം വിണ്ടുകീറുന്നത് ഇനി പ്രശ്നമേയല്ല; പരിഹാരം വീട്ടിലുണ്ട്

കാൽപാദങ്ങൾ വിണ്ടു കീറുന്നത് പലരിലും കണ്ട് വരുന്ന പ്രശ്നമാണ്.

പാദങ്ങളുടെ ഭംഗിക്ക് ആദ്യം വേണ്ടത് വ്യക്തി ശുചിത്വമാണ്.

അതിനാൽ കാലുകൾ എപ്പോഴും വൃത്തിയായി സൂക്ഷിക്കുക.

പാദങ്ങൾ വിണ്ടു കീറുന്നത് തടയാൻ വീട്ടിൽ തന്നെ പരീക്ഷിക്കാം ചില പൊടിക്കെെകൾ.

ഒരു ടീസ്പൂൺ പെട്രോളിയം ജെല്ലി, രണ്ടോ മൂന്നോ തുള്ളി നാരങ്ങാനീരുമായി യോജിപ്പിച്ച് പാദങ്ങളിൽ പുരട്ടി മസാജ് ചെയ്യുക. ശേഷം 20 മിനുട്ട് നേരം ഇട്ടേക്കുക. ആഴ്ചയിൽ മൂന്നോ നാലോ തവണ ഇത് ഇടാവുന്നതാണ്.

വെളിച്ചെണ്ണ, ബദാം ഓയിൽ അല്ലെങ്കിൽ ഒലിവ് ഓയിൽ പോലുള്ള എണ്ണകൾ കാലിൽ പുരട്ടുന്നത് ചർമ്മം വരണ്ടുപോകുന്നത് തടയും.

പഴുത്ത വാഴപ്പഴം പേസ്റ്റ് രൂപത്തിലാക്കി കാലിൽ പുരട്ടുക. 15 മിനിറ്റ് നേരം വച്ച ശേഷം പാദങ്ങൾ വെള്ളത്തിൽ കഴുകുക.

രാത്രി കറ്റാർ വാഴ ജെൽ നാരങ്ങാനീരിൽ കലർത്തി വിണ്ടുകീറിയ ഭാഗത്ത് പുരട്ടുക. രാവിലെ കാലുകൾ വെള്ളത്തിൽ കഴുകുക.

ഒരു ടീസ്പൂൺ റോസ് വാട്ടറും ഒരു ടീസ്പൂൺ ഗ്ലിസറിനും കലർത്തി കാലിൽ നന്നായി പുരട്ടുക. ഒന്നോ രണ്ടോ ദിവസത്തിനുള്ളിൽ നിങ്ങൾക്ക് നല്ല ഫലം കാണാൻ കഴിയും.