റോഡുകളും പാലങ്ങളും ഒലിച്ചുപോയി, നേപ്പാളില്‍ വെള്ളപ്പൊക്കത്തിലും മണ്ണിടിച്ചിലിലും 192 മരണം

നേപ്പാളില്‍ കനത്ത മഴയെ തുടര്‍ന്നുള്ള വെള്ളപ്പൊക്കത്തിലും മണ്ണിടിച്ചിലിലും 192 മരണം

കാഠ്മണ്ഡു താഴ്‌വരയിലാണ് പ്രളയം കനത്തനാശം വിതച്ചത്

കാണാതായവരെ കണ്ടെത്തുന്നതിനായി മൂന്നാം ദിവസവും തിരച്ചില്‍ തുടരുകയാണ്

ദുരന്തത്തില്‍ 194 പേര്‍ക്ക് പരിക്കേറ്റിട്ടുണ്ടെന്നും 30 പേരെ കാണാതായിട്ടുണ്ടെന്നും ആഭ്യന്തരമന്ത്രാലയം അറിയിച്ചു

സൈന്യവും പൊലീസും സായുധ സേനയും ചേര്‍ന്ന് ഇതുവരെ 4,500 ദുരന്തബാധിതരെ രക്ഷപ്പെടുത്തി

തലസ്ഥാന നഗരമായ കാഠ്മണ്ഡുവിലേക്കുള്ള എല്ലാ വഴികളും അടഞ്ഞു

ദേശീയ പാതകളും പാലങ്ങളും തകര്‍ന്നതോടെ ഇന്ത്യയില്‍ നിന്നുള്‍പ്പെടെയുള്ള ചരക്കുനീക്കം തടസപ്പെട്ടു

വെള്ളപ്പൊക്കത്തിലും മണ്ണിടിച്ചിലിലും 20 ജലവൈദ്യുത നിലയങ്ങള്‍ക്ക് കേടുപാടുകള്‍ സംഭവിച്ചു

മൂന്ന് ദിവസമായി തുടരുന്ന മഴയില്‍ കാഠ്മണ്ഡുവില്‍ ഉള്‍പ്പെടെ പ്രധാന നഗരങ്ങളില്‍ വൈദ്യുതി വിതരണം തടസ്സപ്പെട്ടു