കാരറ്റുകള്‍ എത്ര വിധമുണ്ടെന്ന് അറിയാമോ?

നമ്മുടെ അടുക്കളകളിലെ സ്ഥിരം സാന്നിധ്യമാണ് കാരറ്റ്.

ഇന്ത്യൻ വിഭവങ്ങൾ മുതൽ പാശ്ചാത്യ വിഭവങ്ങളിൽ വരെ കാരറ്റിന് പ്രത്യേക സ്ഥാനമുണ്ട്.

സാധാരണയായി എല്ലാവരും കണ്ടുപരിചയിച്ച കാരറ്റ് ഓറഞ്ച് നിറത്തിലുള്ളതാണ്.

പക്ഷെ കാരറ്റിനും വെറൈറ്റികൾ ഉണ്ടെന്ന് പറഞ്ഞാൽ നിങ്ങൾ വിശ്വസിക്കുമോ?

എന്നാല്‍ വിശ്വസിച്ചോളൂ, നമ്മുടെ കാരറ്റ് തന്നെ ഏഴ് വ്യത്യസ്തമായ തരത്തില്‍ ഉണ്ട്. അവ ഏതൊക്കെയെന്ന് നോക്കാം

നാന്റ് കാരറ്റ്

വേവിക്കാതെ കാരറ്റ് കഴിക്കാന്‍ ഇഷ്ടമുണ്ടെങ്കില്‍ ഏറ്റവും ബെസ്റ്റാണ് ഇവ. മധുരമുള്ള, ക്രിസ്പായ നല്ല രുചിയുള്ള ഈ കാരറ്റ് സലാഡിലെ സ്ഥിരം സാന്നിധ്യമാണ്. ഈ കാരറ്റിന്റെ രണ്ടറ്റങ്ങളും ഉരുണ്ടിരിക്കും.

ഇമ്പറേറ്റര്‍ കാരറ്റുകള്‍

നമ്മൾ സാധാരണ ഉപയോ​ഗിക്കുന്ന കാരറ്റാണിത്. നീളമുള്ള, ഒരറ്റ് നിന്നും മറ്റേ അറ്റത്തേക്ക് വരുമ്പോള്‍ കട്ടി കുറയുന്ന ഇവയെ നന്നായി റോസ്റ്റ് ചെയ്യാന്‍ കഴിയും. ഫ്രൈയാക്കാനും ഉത്തമമാണ്. ആവശ്യത്തിന് കട്ടിയുള്ളതിനാല്‍ ഇവ ജ്യൂസടിച്ച് കുടിക്കാനും നല്ലതാണ്.

ശാന്തനെ കാരറ്റ് ( Chantenay Carrots)

ചെറിയ, കട്ടിയുള്ള ഈ കാരറ്റുകള്‍ പതിയെ പാകം ചെയ്യാനാണ് നല്ലത്. സൂപ്പുകള്‍, സ്റ്റ്യൂകള്‍ എന്നിവയിലെ സ്ഥിരം സാന്നിധ്യമാണിത്. സമയം കൂടും തോറും ഇതിന്റെ മധുരവും കൂടും.

ഡാൻവേഴ്‌സ് കാരറ്റ് (Danvers Carrots)

കാരറ്റിന്റെ വിഭാഗങ്ങളില്‍ പെടുന്ന ഈ കാരറ്റ് പാകം ചെയ്യാന്‍ എളുപ്പമാണ്. റോസ്റ്റ് ചെയ്തും ഗ്രേറ്റ് ചെയ്തും പുഴുങ്ങിയും ജ്യൂസാക്കിയുമെല്ലാം ഇവ കഴിക്കാം.

പര്‍പ്പിള്‍ കാരറ്റ്

ഈ കാരറ്റിന് മണ്ണിലുള്ള ബാക്ടീരിയയില്‍ നിന്നും ലഭിക്കുന്ന ജീയോസ്മിന്നിന്റെ പ്രകൃതി ദത്തമായ രുചിയാകും ഉണ്ടാവുക. ആന്റിഓക്‌സിഡന്റുകള്‍ നിറഞ്ഞ ഈ കാരറ്റ് റോസ്റ്റ് ചെയ്യുമ്പോള്‍ മധുരത്തിനൊപ്പം മികച്ചൊരു രുചിയാകും വിഭവങ്ങള്‍ക്ക് നല്‍കുക.

വൈറ്റ് കാരറ്റ്

ഓറഞ്ച് കാരറ്റുകളെക്കാള്‍ മധുരം കുറഞ്ഞവയാണ്. നിങ്ങള്‍ ഉണ്ടാക്കുന്ന വിഭവത്തില്‍ കാരറ്റിന്റെ രുചിയേറേ വേണമെന്നില്ലെങ്കില്‍ ഇവ ചേര്‍ത്ത് തയ്യാറാക്കാം.

ബേബി കാരറ്റ്

മൃദുവായ ചെറിയ മധുരമുള്ള പെട്ടെന്ന് പാകം ചെയ്‌തെടുക്കാവുന്ന ഒരു കാരറ്റാണിത്. പെട്ടെന്ന് ഉണ്ടാക്കാവുന്ന ഫ്രൈകള്‍ക്കായി ഇവ ഉപയോഗിക്കാറുണ്ട്.