ഓരോ കറിക്കും ഓരോ തരം; സവാള കട്ട് ചെയ്യുന്നതിലും കാര്യമുണ്ട്

സവാള ഉപയോ​ഗിക്കാത്ത കറികൾ കുറവാണ് മലയാളികൾക്ക്.

എന്നാൽ എല്ലാ കറികൾക്കും ഒരേ രീതിയിൽ അല്ല സവാള കട്ട് ചെയ്യേണ്ടത് എന്ന് നമ്മൾ പലപ്പോഴും വിട്ട്പോകാറുണ്ട്.

കറികളുടെ രുചിക്കനുസരിച്ച് സവാള കട്ട് ചെയ്യുന്ന വിധത്തിലും മാറ്റം ഉണ്ട്.

ഈ മാറ്റം ഇല്ലാത്തത് കൊണ്ടാണ്, സവാളവെച്ച് ഉണ്ടാക്കുന്ന കറികൾക്ക് ചിലപ്പോൾ അതിന്റെ ഒറിജിനൽ രുചി ലഭിക്കാത്തത്.

ഓരോ രുചിക്കനുസരിച്ച് സവാള എങ്ങനെയെല്ലാം മുറിക്കാം എന്ന് നോക്കാം.

ഉള്ളി കൊത്തിയരിഞ്ഞത്

കത്തികൊണ്ട് സവാള ചെറുതാക്കി അരിയുന്ന രീതിയാണിത്. കറികളും സൂപ്പും എല്ലാം തയ്യാറാക്കുന്നതിന് ഇത്തരത്തില്‍ അരിഞ്ഞെടുക്കാം. കറികൾക്ക് കൊഴുപ്പ് വേണം എന്നുണ്ടെങ്കിൽ ഇങ്ങനെ സവാള അരിയാം.

വെട്ടി വേര്‍പെടുത്തുക

സാധാരണയായി സവാള കട്ട് ചെയ്യുന്ന രീതിയാണിത്. മീഡിയം വലുപ്പമുള്ള ചതുരക്കഷണങ്ങളായാണ് അവയുണ്ടാവുക. നല്ലൊരു സവാളയുടെ ഫ്ലേവർ കറിക്ക് വേണമെങ്കിൽ ഇങ്ങനെ അരിഞ്ഞാൽ മതി.

സമചതുരാകൃതി

സവാള സമചതുരാകൃതിയില്‍ മുറിക്കുന്ന രീതിയാണിത്. സവാള ചോപ് ചെയ്യുന്നതിനെക്കാള്‍ അല്‍പം ചെറുതായാണ് ഇങ്ങനെ മുറിക്കുന്ന കഷ്ണങ്ങള്‍ കാണപ്പെടുക. പറാത്ത, ദോശ എന്നിവയുടെ സ്റ്റഫിങ്ങിനും കട്‌ലറ്റ്, ഓംലെറ്റ് എന്നിവയ്ക്കായും ഉള്ളി ഇങ്ങനെ മുറിക്കാറുണ്ട്.

അര്‍ധ ചന്ദ്രാകൃതി

കട്ടി കുറച്ചോ മീഡിയം കട്ടിയിലോ അര്‍ധചന്ദ്രാകൃതിയില്‍ സവാള മുറിക്കുന്നു. ബര്‍ഗര്‍, സാന്‍ഡ്‌വിച്ച്, എന്നിവയ്‌ക്കെല്ലാം ഹാഫ് മൂണ്‍ ആകൃതിയിലാണ് സവാള മുറിക്കുന്നത്. 

സ്ട്രിപ്‌സ്

ആദ്യം സവാളയെ രണ്ടായി മുറിച്ച് പിന്നീട് അരിഞ്ഞെടുക്കുന്ന രീതിയാണിത്. വിവിധ റാപ്പുകള്‍ക്കും സാലഡ് ബൗളിലും റോളുകളിലും ഇത് ഉപയോഗിക്കുന്നു. 

റിങ്‌സ്

പുറത്തെ തൊലി കളഞ്ഞ് അറ്റം മുറിച്ച സവാള ലംബമായി മുറിച്ചെടുത്ത് റിങ്‌സ് ഉണ്ടാക്കാം. വൃത്താകൃതിയിലുള്ള കഷണങ്ങളാക്കി മുറിച്ച ശേഷം കൈകള്‍ ഉപയോഗിച്ച് വളയങ്ങള്‍ വേര്‍പെടുത്തിയെടുക്കാം.