എക്സ്‍പയറി ഡേറ്റ് കഴിഞ്ഞാൽ ഈ ഭക്ഷണ സാധനങ്ങൾ ഉപയോ​ഗിക്കരുത്

അടുക്കളയിലെ ഷെൽഫുകളിലും ഫ്രിഡ്ജിലുമായി ഒരു പാട് ഭക്ഷണ സാധനങ്ങൾ സ്റ്റോർ ചെയ്ത് വെയ്ക്കുന്ന സ്വഭാവം ഉള്ളവരാണല്ലേ നമ്മളിൽ പലരും.

അതിൽ മിക്ക സാധനങ്ങളും എക്സ്പയറി ഡേറ്റ് കഴിഞ്ഞതുമാകും. ഇവ കളയാനുള്ള മടിയ്ക്ക് നമ്മൾ എടുത്ത് ഉപയോ​ഗിക്കാറും ഉണ്ട്.

എന്നാൽ ഇത് അത്ര നല്ലതല്ല നമ്മുടെ ആരോ​ഗ്യത്തിന്.

എക്സ്‍പയറി ഡേറ്റ് കഴിഞ്ഞാൽ നിർബന്ധമായും ഒഴിവാക്കേണ്ട ചില ഭക്ഷണ സാധനങ്ങൾ നോക്കാം

സാലഡുകൾ

ചീസ്, പാൽ, മുട്ട എന്നിവയിൽ തയാറാക്കിയ സാലഡുകൾ എക്സ്‍പയറി ഡേറ്റ് കഴിഞ്ഞാൽ ഉപയോഗിക്കരുത്. ഇതിൽ അണുക്കൾ ഉണ്ടാവാനുള്ള സാധ്യത വളരെ കൂടുതലാണ്.

സോസ്

സോസിൽ പലതരം പ്രിസർവേറ്റീവുകൾ അടങ്ങിയിട്ടുണ്ട്. അതിനാൽ തന്നെ പഴക്കം ഉണ്ടാവുന്നതിന് അനുസരിച്ച് ഇതിൽ പൂപ്പലും വളരുന്നു.

മയോണൈസ്

എക്സ്‍പയറി ഡേറ്റ് കഴിഞ്ഞ മയോണൈസ് കഴിക്കുന്നത് പൂർണമായും ഒഴിവാക്കേണ്ടതുണ്ട്. കാരണം ഇതിൽ മുട്ടയും, എണ്ണയും അടങ്ങിയിട്ടുണ്ട്. ഇത് പെട്ടെന്ന് അണുക്കൾ ഉണ്ടാക്കുന്നു.

അച്ചാറുകൾ

വായുവിന്റേയും ഈർപ്പത്തിന്റേയും സമ്പർക്കം ഉണ്ടാകുമ്പോൾ അച്ചാറുകൾ പെട്ടെന്ന് കേടായിപ്പോകുന്നു. അതിനാൽ തന്നെ ഇവ എക്സ്‍പയറി ഡേറ്റ് കഴിഞ്ഞാൽ ഒരിക്കലും ഉപയോഗിക്കരുത്.