ടെന്‍ഷൻ ഒഴിവാക്കാന്‍ ചെയ്യാം ഈ കാര്യങ്ങൾ

എപ്പോഴും എന്തെങ്കിലുമൊക്കെ ടെന്‍ഷനിലായിരിക്കും നമ്മളില്‍ പലരും അല്ലേ ?

മാനസികമോ, ശാരീരികമോ, വൈകാരികമോ ആയ ബുദ്ധിമുട്ടുകൾ അഭിമുഖീകരിക്കേണ്ടി വരുമ്പോള്‍ മനസ്സിലുണ്ടാകുന്ന പ്രതികരണങ്ങളാണ്‌ മാനസിക സമ്മര്‍ദ്ദം.

ഈ കാര്യങ്ങൾ ചെയ്താൽ ഒരു പരിധിവരെ നമുക്ക് ഉണ്ടാകുന്ന ടെന്‍ഷൻ ഒഴിവാക്കാന്‍ സാധിക്കും

എല്ലാ കാര്യങ്ങളും പൂർണതയോടെ ചെയ്യാനുള്ള അധിക ശ്രമങ്ങൾ ഒഴിവാക്കുക.

ഒരു സമയത്ത് ഒന്നിലേറെ കാര്യങ്ങളിൽ ശ്രദ്ധിക്കേണ്ട. ഏറ്റവും ‌പ്രാധാന്യമുള്ളത് ആദ്യം ചെയ്യുക.

ചെയ്യേണ്ടവ പ്രാധാന്യമനുസരിച്ച് കുറിച്ചു വച്ചോളൂ. മറവിയും ടെൻഷനും ‌ഒഴിവാക്കാം.

തെറ്റിദ്ധാരണകള്‍ക്കും ഊഹാപോഹങ്ങള്‍ക്കും വിട പറയാം. എപ്പോഴും തുറന്ന ആശയവിനിമയമാണു നല്ലത്.

അവസാന നിമിഷത്തേക്കു കാര്യങ്ങൾ മാറ്റി വയ്ക്കേണ്ട. എല്ലാ കാര്യങ്ങളും സ്വയം ചെയ്യണമെന്നും ശഠിക്കേണ്ട.

ആവശ്യമുള്ളപ്പോൾ മറ്റുള്ള‌വരുടെ സഹായം സ്വീകരിക്കുക. അതു ടെൻഷൻ ‌കുറയ്ക്കും.

നാളയേക്കുറിച്ചുള്ള ആശങ്കകൾ ഒഴിവാക്കുക. എല്ലാം നന്നായി വരുമെന്നു ‌മനസ്സിനോടു പറയാം.