‘നിങ്ങൾക്ക് ശത്രുക്കളുണ്ടോ? എങ്കിൽ അതു നല്ലതാണ്’; വിൻസ്റ്റൺ ചർച്ചിലിന്റെ വാക്കുകൾ നൽകുന്ന ജീവിതപാഠം

നിങ്ങൾക്ക് ശത്രുക്കളുണ്ടോ? നല്ലത്. അതിനർഥം ജീവിതത്തിൽ എപ്പോഴെങ്കിലും നിങ്ങൾ എന്തിനെങ്കിലും വേണ്ടി ഉറച്ചുനിന്നിട്ടുണ്ടെന്നാണ്: വിൻസ്റ്റന്റ് ചർച്ചിൽ

വിമർശനങ്ങളും എതിർപ്പുകളും നേരിടേണ്ടിവരുന്നത് എല്ലായ്പ്പോഴും പരാജയത്തിന്റെ അടയാളമല്ലെന്നും, ചിലപ്പോൾ അത് സ്വന്തം വിശ്വാസങ്ങൾക്കും മൂല്യങ്ങൾക്കും വേണ്ടി നിലകൊണ്ടതിന്റെ തെളിവായിരിക്കുമെന്നും ഈ വാക്കുകൾ ഓർമിപ്പിക്കുന്നു

ജോലിസ്ഥലത്തും സൗഹൃദങ്ങളിലും വ്യക്തിജീവിതത്തിലും സ്വന്തം അഭിപ്രായം തുറന്നുപറയുമ്പോൾ വിമർശനവും വിയോജിപ്പും ഉണ്ടാകാം. എന്നാൽ എല്ലാവരെയും തൃപ്തിപ്പെടുത്താൻ ശ്രമിക്കുന്നതിനായി സ്വന്തം നിലപാടുകളും മൂല്യങ്ങളും ഉപേക്ഷിക്കേണ്ടതില്ലെന്നാണ് ഈ ചിന്ത നൽകുന്ന സന്ദേശം

ഒരു ആശയത്തിനോ തത്വത്തിനോ വേണ്ടി ഉറച്ചുനിൽക്കുമ്പോൾ എതിർപ്പുകൾ സ്വാഭാവികമാണ്. അതുകൊണ്ടുതന്നെ ഒരാൾക്കെതിരെ ഉയരുന്ന വിമർശനങ്ങൾ അദ്ദേഹം തെറ്റാണെന്നതിന്റെ തെളിവായിരിക്കണമെന്നില്ല. ചിലപ്പോൾ അത് എളുപ്പവഴി തിരഞ്ഞെടുക്കാതെ ഒരു നിലപാട് സ്വീകരിച്ചതിന്റെ സൂചനയാകാം

അതേസമയം, എല്ലാ വിമർശനങ്ങളും അവഗണിക്കണമെന്നും ഈ വാക്കുകൾ പറയുന്നില്ല. ഉപകാരപ്രദമായ വിമർശനവും വെറും എതിർപ്പും തമ്മിൽ തിരിച്ചറിയാനുള്ള വിവേകമാണ് വേണ്ടത്

ജീവിതത്തിൽ എപ്പോഴും സമാധാനം നിലനിർത്താൻ ശ്രമിക്കുന്നതിനേക്കാൾ, ആവശ്യമായ ഘട്ടങ്ങളിൽ സ്വന്തം ശബ്ദം ഉയർത്താൻ കഴിയുന്നതാണ് വ്യക്തിത്വത്തെ രൂപപ്പെടുത്തുന്നതെന്ന ആശയമാണ് ചർച്ചിലിന്റെ ഈ വാക്കുകൾ മുന്നോട്ടുവയ്ക്കുന്നത്

1874-ൽ ഇംഗ്ലണ്ടിലെ ഓക്സ്ഫോർഡ്ഷയറിൽ ജനിച്ച വിൻസ്റ്റൺ ചർച്ചിൽ ബ്രിട്ടീഷ് രാഷ്ട്രീയത്തിലെ ഏറ്റവും ശ്രദ്ധേയരായ നേതാക്കളിലൊരാളായിരുന്നു

രാഷ്ട്രീയത്തിന് പുറമെ സൈനിക സേവനത്തിലും പത്രപ്രവർത്തനത്തിലും എഴുത്തിലും അദ്ദേഹം സജീവമായിരുന്നു. 1900-ൽ പാർലമെന്റിലേക്ക് തെരഞ്ഞെടുക്കപ്പെട്ട അദ്ദേഹം പിന്നീട് നിരവധി പ്രധാന സർക്കാർ പദവികൾ വഹിച്ചു

രണ്ടാം ലോകമഹായുദ്ധത്തിന്റെ നിർണായക ഘട്ടത്തിൽ, 1940-ൽ ബ്രിട്ടീഷ് പ്രധാനമന്ത്രിയായ ചർച്ചിൽ നാസി ജർമനിക്കെതിരായ ബ്രിട്ടന്റെ പ്രതിരോധത്തിന് നേതൃത്വം നൽകി

ശക്തമായ പ്രസംഗങ്ങളിലൂടെയും ഉറച്ച നിലപാടുകളിലൂടെയും യുദ്ധകാലത്ത് ബ്രിട്ടീഷ് ജനതയെ പ്രചോദിപ്പിച്ച നേതാവെന്ന നിലയിലാണ് അദ്ദേഹം പ്രധാനമായും ഓർമിക്കപ്പെടുന്നത്.

1953-ൽ സാഹിത്യത്തിനുള്ള നോബൽ സമ്മാനവും ചർച്ചിലിന് ലഭിച്ചു