പൊള്ളിയ ഭാ​ഗത്ത് ടൂത്ത്പേസ്റ്റോ തേനോ പുരട്ടരുത്; പ്രാഥമികമായി ചെയ്യേണ്ടവ എന്തെല്ലാം?

നമ്മുടെ നാട്ടിൽ കണ്ടുവരുന്ന ഗാർഹിക അത്യാഹിതങ്ങളിൽ ഏറ്റവും സാധാരണമായ ഒന്നാണ് പൊള്ളൽ.

ഗ്യാസ്, മണ്ണെണ്ണ, പെട്രോൾ തുടങ്ങിയ ഇന്ധനങ്ങൾ, അടുപ്പിൽ നിന്നോ വിളക്കിൽ നിന്നോ പടരുന്ന തീനാളം, തിളപ്പിച്ച വെള്ളം, നീരാവി, ഇടിമിന്നൽ, ഇലക്ട്രിക് ഷോക്ക് ഇവയെല്ലാം പൊള്ളലിന് കാരണമാകാം.

പൊള്ളലേറ്റാൽ പ്രാഥമികമായി ചെയ്യേണ്ടവ എന്താണെന്ന് നോക്കാം

പൊള്ളിയ ഭാഗത്ത് ഉടന്‍ തന്നെ ശുദ്ധജലം ഒഴിക്കണം, അല്ലെങ്കില്‍ പൊള്ളിയ ഭാഗം തണുത്ത വെള്ളത്തില്‍ 15-20 മിനിറ്റ് മുക്കി വെക്കണം.

കുമിളകള്‍ പൊട്ടിക്കരുത്.കുമിളകള്‍ പൊട്ടിയാല്‍ അണുബാധയുണ്ടാകാം. അവ പൊട്ടാതെ ശ്രദ്ധിക്കണം

പൊള്ളലേറ്റ ഭാഗം വൃത്തിയുള്ള തുണി കൊണ്ടോ പോളിത്തീന്‍ കവര്‍ കൊണ്ടോ മൂടി ആശുപത്രിയിലേക്ക് പോകുക.

അണുബാധ ഉണ്ടാകാന്‍ സാധ്യതയുള്ളതിനാല്‍ തേന്‍, പേസ്റ്റ്, വെണ്ണ തുടങ്ങിയവ പുരട്ടരുത്.