സൂര്യനെ ഒഴിവാക്കരുത് , ആരോഗ്യം അതിലുണ്ട്

നമ്മുടെ ആരോ​ഗ്യത്തിന് ആവശ്യമായതൊക്കെ പ്രകൃതിയിൽ നിന്ന് തന്നെ ലഭ്യമാണ്. എന്നാൽ നമ്മളത് ശ്രദ്ധിക്കാതെ പോകുന്നു.

ശാരീരിക മാനസികാരോഗ്യം മെച്ചപ്പെടുത്തുന്നതിന് സൂര്യപ്രകാശം അത്യാവശ്യമാണ്.

സൂര്യപ്രകാശം ലഭിക്കുന്നതിന്റെ ഗുണങ്ങൾ എന്തൊക്കെയാണെന്ന് അറിയാം.

ദിവസവും അരമണിക്കൂർ രാവിലെയുള്ള സൂര്യപ്രകാശം കൊള്ളുന്നത് ശരീര ഊർജ്ജത്തെയും പ്രതിരോധ ശേഷിയേയും വർധിപ്പിക്കുന്നു.

രാവിലെയുള്ള സൂര്യപ്രകാശം കൊള്ളുന്നത് സെറോട്ടോണിനെ ഉത്പാദിപ്പിക്കുന്നു. ഇത് മാനസിക സന്തോഷം ലഭിക്കാൻ സഹായിക്കും. കൂടാതെ ശരീരത്തിന് ആവശ്യമായ വിറ്റാമിൻ ഡിയും ഇതിൽ നിന്നും ലഭിക്കുന്നു.

ദിവസവും അതിരാവിലെ നടക്കുന്നത് ശാരീരിക മാനസികാരോഗ്യം മെച്ചപ്പെടുത്താൻ സഹായിക്കുന്നു.

സൂര്യപ്രകാശം ഏൽക്കുമ്പോൾ പെട്ടെന്ന് ഉറക്കം എഴുന്നേൽക്കുന്നു. ഇത് അമിതമായി ഉറങ്ങുന്നത് തടയുകയും രാത്രിയിൽ പെട്ടെന്ന് ഉറക്കം വരാൻ സഹായിക്കുകയും ചെയ്യുന്നു.

ദിവസവും സൂര്യപ്രകാശം കൊള്ളുന്നത് വിറ്റാമിൻ ഡിയുടെ അളവ് കൂട്ടാൻ സഹായിക്കുന്നു. ഇത് ശരീരത്തിന്റെ പ്രതിരോധ സംവിധാനം ശരിയായ രീതിയിൽ പ്രവർത്തിക്കാൻ സഹായിക്കുന്നു.