അഞ്ജു സി വിനോദ്‌
പാചകം എളുപ്പമാക്കുന്നതില്‍ പ്രഷര്‍ കുക്കറുകളുടെ പങ്ക് വളരെ വലുതാണ്. മണിക്കൂറുകള്‍ ചെലവാക്കിയിരുന്നിടത്ത് മിനിറ്റുകള്‍ക്കുള്ളില്‍ ഭക്ഷണം റെഡിയാകും. എന്നാല്‍ എല്ലാത്തരം ഭക്ഷണങ്ങളും പ്രഷര്‍ കുക്കറിന് അനുയോജ്യമല്ല.
ചില ഭക്ഷണങ്ങള്‍ പ്രഷര്‍കുക്കറില്‍ ഉണ്ടാക്കുന്നത് അവയുടെ പോഷകമൂല്യത്തിനും ഘടനയ്ക്കും രുചിയിലും വ്യത്യാസ ഉണ്ടാക്കും.
അരി
ഇന്ന് പ്രഷര്‍കുക്കറില്‍ അരി വേവിക്കുന്ന നിരവധി ആളുകളുണ്ട്. എന്നാൽ ഈ രീതിയിൽ ചോറ് തയ്യാറാക്കുമ്പോൾ അത് ദോഷകരമായ രാസവസ്തുക്കൾ പുറത്തുവിടുകയും ശരീരഭാരം വർധിപ്പിക്കുകയും ചെയ്യും.
ഉരുളക്കിഴങ്ങ്
ഉരുളക്കിഴങ്ങ് പെട്ടെന്ന് വേവിക്കാന്‍ പ്രഷര്‍കുക്കര്‍ ഉപയോഗിക്കാറുണ്ട്. എന്നാല്‍ ഇങ്ങനെ ചെയ്യുമ്പോള്‍ അന്നജം പുറത്തുവിടുകയും ദോഷകരമായ രാസവസ്തുക്കൾ ഉണ്ടാകുകയും ചെയ്യുന്നു. അത് ആരോഗ്യത്തിന് അത്ര നല്ലതല്ല.
മുട്ട
എളുപ്പത്തിന് പ്രഷര്‍കുക്കറില്‍ മുട്ട പുഴുങ്ങാന്‍ ഇടുന്ന ശീലമുണ്ടോ.., എന്നാല്‍ പ്രഷര്‍കുക്കറിലെ ഉയര്‍ന്ന മര്‍ദം കാരണം അവ പൊട്ടാനോ പറ്റിപ്പിടിക്കാനോ കാരണമാകും. ഇത് മുട്ട പെട്ടെന്ന് വെന്തു പോകാനും കാരണമാകും.
ഇലക്കറികള്‍
ചീര, ക്യാബേജ് പോലുള്ള ഇലക്കറികള്‍ ഒരിക്കലും പ്രഷര്‍കുക്കറില്‍ ഉണ്ടാക്കരുത്. ഇലക്കറികള്‍ക്ക് അമിതമായ മര്‍ദം താങ്ങാനാവില്ല. ഇത് അവയുടെ പോഷകമൂല്യം നഷ്ടപ്പെടുത്തും.
പാല്‍ ഉല്‍പ്പന്നങ്ങള്‍
ഉയര്‍ന്ന ചൂട് കാരണം അവ കട്ടപിടിക്കാനും രുചി മാറാനും കാരണമാകാം. മാത്രമല്ല, പെട്ടെന്ന് കേടുവരാനും സാധ്യതയുണ്ട്.
വറുത്ത ഭക്ഷണങ്ങള്‍
പ്രഷര്‍കുക്കറില്‍ ഈര്‍പ്പമുള്ള ചൂടാണ് ഉള്ളത്, അതിനാല്‍ വറുത്ത ഭക്ഷണങ്ങള്‍ വേവിക്കരുത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates