അബദ്ധത്തിൽപോലും മീനിനൊപ്പം ഇവ കഴിക്കല്ലേ!

ചില ഭക്ഷണങ്ങൾ ഒരുമിച്ച് കഴിക്കരുതെന്ന് മുതിർന്നവർ നമ്മളോട് പറയാറില്ലേ. എന്നാലും മിക്ക ആളുകളും അവ കഴിക്കാറുണ്ട്.

മീനിനൊപ്പം തൈര്, പാൽ, മോര്, ഉഴുന്ന്, മുളപ്പിച്ച ധാന്യങ്ങൾ എന്നിവ കഴിക്കാൻ പാടില്ലെന്ന് പറയുന്നതാണ് നമ്മൾ ഏറ്റവും കൂടുതൽ കേട്ടിട്ടുള്ളത്.

മീനിനൊപ്പം ഇവയെല്ലാം കഴിക്കുന്നത് വിരുദ്ധ ഫലമാണ് ഉണ്ടാക്കുന്നത്. അതിനാൽ ഇവ ആരോഗ്യത്തിന് വളരെയധികം ദോഷം ചെയ്യും എന്നത് കൊണ്ടാണ് ഭക്ഷണത്തിൽ അത്തരത്തിലുള്ള കോമ്പിനേഷൻ ഒഴിവാക്കണം എന്ന് പറയുന്നത്.

മത്സ്യം കഴിക്കുമ്പോൾ പാൽ, ചീസ് പോലുള്ള മറ്റ് പാലുൽപ്പന്നങ്ങളും ഒഴിവാക്കണം. രണ്ടിലുമുള്ള ഉയർന്ന പ്രോട്ടീൻ ഉള്ളടക്കവും പ്രത്യേക സംയുക്തങ്ങളും ദഹനത്തെ തടസ്സപ്പെടുത്തുകയും വയറുവേദന, അസ്വസ്ഥത എന്നിവയിലേക്ക് നയിക്കുകയും ചെയ്യും.

മത്സ്യത്തോടൊപ്പം സിട്രസ് പഴങ്ങൾ കഴിക്കാൻ പാടില്ലെന്നും പറയപ്പെടുന്നു. സിട്രസ് പഴങ്ങളിലെ ആസിഡുകൾ മത്സ്യ പ്രോട്ടീനുമായി പ്രതിപ്രവർത്തിച്ച് അതിന്റെ രുചിയും ഘടനയും മാറ്റുകയും ദഹനപ്രശ്നങ്ങൾക്ക് കാരണമാവുകയും ചെയ്യും.

ഉരുളക്കിഴങ്ങ് അല്ലെങ്കില്‍ പാസ്ത പോലുള്ള കനത്തതോ അന്നജം കലര്‍ന്നതോ ആയ വിഭവങ്ങളുമായി മത്സ്യം സംയോജിപ്പിക്കുന്നത് ഒഴിവാക്കണം. അമിതമായ കലോറിയും കാര്‍ബോഹൈഡ്രേറ്റും കഴിക്കുന്നത് ദഹനവ്യവസ്ഥയെ മന്ദഗതിയിലാക്കിയേക്കാം.

ബീന്‍സ്, പയര്‍വര്‍ഗ്ഗങ്ങള്‍, മത്സ്യം എന്നിവയില്‍ പ്രോട്ടീന്‍ ധാരാളമായി അടങ്ങിയിട്ടുണ്ട്. ഇത് ശരീരത്തിന്റെ ആവശ്യമാണ് എന്ന് പ്രത്യേകം പറയേണ്ടതില്ലല്ലോ. എന്നാല്‍ ഇത് ഒരുമിച്ച് കഴിക്കുമ്പോള്‍ ഗ്യാസ്, വയറിളക്കം എന്നിവയ്ക്ക് കാരണമായേക്കാം.

വളരെയധികം സംസ്‌കരിച്ചതോ വറുത്തതോ ആയ ഭക്ഷണങ്ങളുമായി മത്സ്യം ചേര്‍ത്ത് കഴിക്കുന്നത് മത്സ്യത്തിന്റെ ആരോഗ്യ ഗുണങ്ങളെ ദുര്‍ബലപ്പെടുത്തിയേക്കാം. വറുത്ത ഭക്ഷണങ്ങളിലെ ഉയര്‍ന്ന അളവിലുള്ള പൂരിത കൊഴുപ്പുകളും ട്രാന്‍സ് ഫാറ്റുകളും ഹൃദയ സംബന്ധമായ ആരോഗ്യത്തിന് ഹാനികരമാണ്.