തണുപ്പ് കാലത്ത് ധാരാളം വെള്ളം കുടിച്ചില്ലെങ്കില്‍ പണി പാളും

വേനൽ കാലത്ത് മാത്രം അല്ല, തണുപ്പ് കാലത്തും നമ്മൾ ധാരാളം വെള്ളം കുടിക്കേണ്ടത് അത്യാവശ്യമാണ്.

നിർജ്ജലീകരണം

വേനൽക്കാലത്തെ പോലെ തന്നെ തണുപ്പ് കാലങ്ങളിലും നിർജ്ജലീകരണം ഉണ്ടാകുന്നു. ഈ സമയങ്ങളിൽ വരണ്ട വായുവാണ് ചുറ്റിനും ഉള്ളത്.

വരണ്ട അന്തരീക്ഷം

തണുപ്പ് കാലത്ത് വായുവിലുള്ള ഈർപ്പത്തിന്റെ അളവ് വളരെ കുറവായിരിക്കും. ഓരോ ശ്വാസമെടുക്കുമ്പോഴും നിങ്ങളുടെ ശരീരത്തിലെ ജലാംശം കുറയുന്നു. അതിനാൽ ധാരാളം വെളളം കുടിച്ച് ശരീരത്തിലെ ജലാംശം നിലനിർത്തേണ്ടതാണ്.

ദാഹം കുറവായിരിക്കും

തണുപ്പ് കാലത്ത് ദാഹം വളരെ കുറവായിരിക്കും. ഇത് നിങ്ങൾപോലും അറിയാതെ ശരീരത്തിൽ നിർജ്ജലീകരണം ഉണ്ടാവാൻ കാരണമാകുന്നു.

ചൂട് വെള്ളം കുടിക്കരുത്

തണുപ്പ് കാലത്ത് ചൂട് വെള്ളം കുടിക്കുന്നത് ഒഴിവാക്കാം. ഇത് ശരീരത്തെ കൂടുതൽ വരണ്ടതാക്കാൻ കാരണമാകും. അതിനാൽ തന്നെ ചൂട് വെള്ളം കുടിക്കുന്നത് ഒഴിവാക്കാം.

ചർമ്മം വരണ്ടതാക്കുന്നു

തണുപ്പ് കാലത്ത് ചർമ്മം വരണ്ടതാകുന്നു. ശരീരത്തിന് ആവശ്യമായ വെള്ളം കുടിക്കാതെ വരുമ്പോൾ ചർമ്മം കൂടുതൽ വരണ്ടതാകാൻ സാധ്യതയുണ്ട്.

ഇവർ ശ്രദ്ധിക്കണം

പ്രമേഹം ഉള്ളവർ, വൃക്ക രോഗികൾ തുടങ്ങിയവർ തണുപ്പ് കാലത്ത് ധാരാളം വെള്ളം കുടിക്കാൻ ശ്രദ്ധിക്കണം.