പാൽ ഇങ്ങനെ കുടിച്ചാൽ ഇരട്ടി പവറാണ്

കാൽസ്യം കൊണ്ടും പ്രോട്ടീൻ കൊണ്ടും സമ്പന്നമായ പാൽ ഒരു പോഷകാഹാരമാണ്.

നമ്മുടെ എല്ലുകൾക്ക് മാത്രമല്ല മൊത്തത്തിലുള്ള ആരോഗ്യത്തിന് പാൽ ഗുണകരമാണ്.

ശൈത്യകാലത്ത് പാൽ കുടിയ്ക്കുമ്പോൾ ജലദോഷം, ചുമ, പനി പോലെയുള്ള അസുഖങ്ങൾ വരാനുള്ള സാധ്യത കൂടുതലാണ്.

എന്നാൽ, പാലിൽ ചില ചെറിയ മാറ്റങ്ങൾ വരുത്തി കുടിച്ചാൽ പ്രതിരോധശക്തി വർദ്ധിപ്പിച്ച് ഇത്തരത്തിലുള്ള അസുഖങ്ങളിൽ നിന്ന് അകന്ന് നിൽക്കാൻ കഴിയും.

പാലിൻ്റെ പ്രതിരോധശക്തി വർദ്ധിപ്പിക്കാനുള്ള ചില ടിപ്പുകൾ ഇതാ.

ജാഗിരി

പാലിനൊപ്പം ജാഗിരി ചേർക്കുമ്പോൾ മധുരം ഉണ്ടാകുമെന്ന് മാത്രമല്ല ഊർജ്ജവും പ്രതിരോധശേഷിയും വർദ്ധിപ്പിക്കുകയും ചെയ്യുന്നു. പാലിൻ്റെ പോഷകമൂല്യം ഇരട്ടിയാകും ഇത്തരത്തിൽ കുടിക്കുന്നതിലൂടെ.

ഈന്തപ്പഴം

രോഗപ്രതിരോധ സംവിധാനത്തിൻ്റെ ശക്തികേന്ദ്രമാണ് ഈന്തപ്പഴം. രാത്രി ഉറങ്ങുന്നതിന് മുമ്പ് ചൂടുപാലിൽ ഈന്തപ്പഴം ചേർത്ത് കഴിക്കുന്നത് നല്ല ഉറക്കം നൽകുമെന്ന് മാത്രമല്ല പ്രതിരോധശേഷി ശക്തിപ്പെടുത്തുകയും ചെയ്യുന്നു.

ബദാം

പ്രോട്ടീൻ, വിറ്റാമിൻ ഇ, ഫൈബർ, ഒമേഗ - 3 ഫാറ്റി ആസിഡ് എന്നിവയാൽ സമ്പന്നമാണ് ബദാം. ഇവയെല്ലാം ഒരുമിച്ച് പ്രവർത്തിക്കുന്നത് പ്രതിരോധ സംവിധാനത്തിന് ശക്തമായ ഉത്തേജനമാണ് നൽകുന്നത്.

മഞ്ഞൾ

ചെറുചൂടുള്ള പാലിൽ അൽപം മഞ്ഞൾ ചേർത്ത് കുടിക്കുന്നത് ജലദോഷത്തെ ചെറുക്കാനും പ്രതിരോധശേഷി വർദ്ധിപ്പിക്കാനും സഹായിക്കുന്നു. തണുപ്പുകാലങ്ങളിൽ രാത്രി ഉറങ്ങുന്നതിന് മുമ്പ് പാൽ മഞ്ഞൾ ചേർത്ത് കഴിക്കുന്നത് വളരെ നല്ലതാണ്.

ജാതിക്ക

പാലിന് കുറച്ചധികം പ്രതിരോധശേഷി നൽകണമെന്നാണ് ആഗ്രഹമെങ്കിൽ ഒരു നുള്ള് ജാതിക്ക അതിൽ ചേർക്കാം. ഇത് ദഹനം മെച്ചപ്പെടുത്താൻ മാത്രമല്ല പ്രതിരോധശേഷി ശക്തിപ്പെടുത്താനും സഹായിക്കുന്നു. വിറ്റാമിൻ എ, സി, ഇ എന്നിവയും കാൽസ്യം, മാംഗനീസ് തുടങ്ങിയ ധാതുക്കളും ജാതിക്കയിൽ അടങ്ങിയിട്ടുണ്ട്.