ചായ പ്രേമികളുടെ ശ്രദ്ധയ്ക്ക്? കരളിന് ഇതൊന്നും പിടിക്കില്ല കേട്ടോ!

ഒരു ദിവസത്തിൽ രണ്ടിൽ കൂടുതൽ ചായ കുടിക്കുന്നവരാണ് മിക്കവരും.

ചായ അഡിക്റ്റഡ് ആയിട്ടുള്ള ആളുകളും ധാരാളമുണ്ട്.

എന്നാൽ ഈ ചായ സ്ഥിരമായി കുടിക്കുന്നത് ആരോ​ഗ്യത്തിന് അത്ര നല്ലതല്ല കേട്ടോ.

രാവിലെ വെറും വയറ്റിൽ ചായ കുടിക്കുമ്പോൾ കാഫീനും ടാനിനും വയറ്റിലെ ആസിഡിന്റെ അളവ് കൂട്ടും. ഇത് ഓക്കാനം, ഗ്യാസ്, നെഞ്ചെരിച്ചിൽ എന്നിവയ്ക്ക് കാരണമാകും. ചായ കുടിക്കുന്നതിന് മുമ്പ് ലഘുവായി എന്തെങ്കിലും കഴിക്കുന്നത് നല്ലതാണ്.

ചായ കുടിച്ചാൽ ശരീരത്തിന് ആവശ്യമായ വെള്ളം ലഭിക്കുമെന്ന് കരുതരുത്. ചായ ശരീരത്തിൽ നിന്ന് കൂടുതൽ വെള്ളം പുറന്തള്ളാൻ കാരണമാകും. ഇത് നിർജ്ജലീകരണത്തിന് കാരണമാകും.

കടുപ്പമുള്ള ചായയിൽ കഫീൻ, ടാനിൻ എന്നിവയുടെ അളവ് കൂടും. അമിതമായ ടാനിൻ വയറ്റിൽ അസ്വസ്ഥതയുണ്ടാക്കാനും ദഹനക്കേടിനും കാരണമാകുകയും കടുപ്പമുള്ള ചായ കരളിന് അധിക ജോലി നൽകുകയും ചെയ്യുന്നു. അതിനാൽ, ഇളം കടുപ്പത്തിൽ ചായ ഉണ്ടാക്കുന്നതാണ് നല്ലത്.

കടുപ്പമുള്ള ചായയിൽ കൂടുതൽ പാൽ ചേർക്കുന്നതും ഒഴിവാക്കേണ്ടതാണ്. ഇത് ദഹനത്തെ മന്ദഗതിയിലാക്കുകയും വയറ്റിൽ ഭാരം തോന്നിക്കുകയും ചെയ്യും.