മുഖത്തെ ഓരോ കുരുവും ഓരോ ലക്ഷണങ്ങൾ

മുഖക്കുരുവിന് പുറമേ ചികിത്സിച്ചാൽ മതിയെന്നു കരുതുന്നുണ്ടെങ്കിൽ അത് തെറ്റാണ്.

മുഖത്തെ പല ഭാ​ഗങ്ങളിലായി പ്രത്യക്ഷപ്പെടുന്ന കുരുക്കൾക്ക് പിന്നിൽ പല കാരണങ്ങൾ ഉണ്ടാകാം. ഈ കാരണങ്ങൾ അറിഞ്ഞ് ചികിത്സിച്ചാൽ മുഖത്തെ കുരുക്കളും പാടുകളും മാറ്റാൻ സാധിക്കും.

മുഖത്ത് ഉണ്ടാകുന്ന കുരുക്കളുടെ പ്രാധന കാരണങ്ങളായി ആരോ​ഗ്യ വിദ​ഗ്ധർ ചൂണ്ടിക്കാണിക്കുന്നത് ഉറക്കമില്ലായ്മ മുതൽ ഹോർമോൺ വ്യതിയാനം വരെയാണ്.

മുഖത്ത് ഓരോ ഭാ​ഗത്ത് വരുന്ന കുരുക്കളും എന്തിന്റെയെല്ലാം ലക്ഷണങ്ങളാണെന്ന് നോക്കാം.

നെറ്റി

ദഹനക്കേട്, നിര്‍ജ്ജലീകരണം, മാനസിക സമ്മര്‍ദ്ദം എന്നിവ കാരണം നെറ്റിയില്‍ കുരുക്കള്‍ പ്രത്യക്ഷപ്പെടാം. മുടിക്ക് വേണ്ടി ഉപയോ​ഗിക്കുന്ന ചില ഉൽപ്പന്നങ്ങളും നെറ്റിയിലെ കുരുക്കൾക്ക് കാരണമാകാറുണ്ട്.

കവിള്‍

കവിളിൽ കൂടുതലും കുരുക്കൾ വരാൻ കാരണം അണുബാധയാണ്. നിരന്തരം കൈകൾ തൊടുന്ന ഭാ​ഗം, ഫോൺ സ്ക്രീൻ കവിളിൽ ചേർത്തു പിടിക്കുന്നത്, അന്തരീക്ഷ മലിനീകരണവുമൊക്കെ പെട്ടെന്ന് ബാക്ടീരിയ ഉണ്ടാകാൻ കാരണമാകുന്നു ഇവ ചർമ്മത്തിൽ അസ്വസ്ഥയുണ്ടാക്കുകയും കുരുക്കൾ ഉണ്ടാവുകയും ചെയ്യുന്നു.

താടി

സ്ത്രീകളിൽ ആര്‍ത്തവ സമയത്തും ഹോര്‍മോണ്‍ പ്രശ്‌നങ്ങള്‍ ഉണ്ടാകുമ്പോഴും താടിയിൽ കുരുക്കള്‍ പ്രത്യക്ഷപ്പെടാം. ദഹന പ്രശ്‌നങ്ങള്‍ ഉണ്ടാകുമ്പോഴും ഇറുകിയ വസ്ത്രം ധരിക്കുമ്പോഴും താടിയിൽ കുരുക്കൾ ഉണ്ടാകാം.

കഴുത്ത്

കഴുത്തില്‍ കുരുക്കള്‍ വരുന്നത് ശരീരത്തിലെ ഹോര്‍മോണ്‍ പ്രശ്‌നങ്ങളെ തുടര്‍ന്നാണ്.

മൂക്ക്

മൂക്കില്‍ കുരു വരുന്നത് ഉയര്‍ന്ന രക്തസമ്മര്‍ദ്ദത്തിന്റെയോ കരള്‍ രോഗങ്ങളുടെയോ ലക്ഷണമാകാമെന്ന് ആരോ​ഗ്യ വിദ​ഗ്ധർ പറയുന്നത്.