സമകാലിക മലയാളം ഡെസ്ക്
നല്ലൊരു ജോഡി വസ്ത്രത്തിനൊപ്പം ഷൂസ് ധരിച്ചാല് തന്നെ നിങ്ങളുടെ ലുക്ക് മാറും.
പക്ഷേ രണ്ടുദിവസം അടുപ്പിച്ച് ഉപയോഗിച്ചാൽ ദുർഗന്ധം തുടങ്ങുന്നതാണ് ഷൂസിന്റെ ഒരു പ്രശ്നം.
വിയര്പ്പും അഴുക്കും അടിഞ്ഞാണ് ഷൂവില് ഈ ഗന്ധം ഉണ്ടാകുന്നത്.
ഷൂസിലെ ദുര്ഗന്ധം ഒഴിവാക്കുന്നതിന് ചില വഴികൾ നോക്കാം.
സോപ്പ് ഉപയോഗിക്കാം
രണ്ട് ഷൂസിലും സോപ്പ് ഇട്ട് രാത്രിയില് വയ്ക്കുക. സോപ്പ് ഷൂസിലെ ബാക്ടീരിയകളെ ഇല്ലാതാക്കുകയും ഇതിലെ ദുഗര്ന്ധം വലിച്ചെടുക്കുകയും ചെയ്യും അങ്ങിനെ ഷൂസ് വൃത്തിയാക്കി എടുക്കുവാന് സാധിക്കുന്നതാണ്. സോപ്പ് ഷൂസില് ഇടുമ്പോള് ഇതില് നനവ് ഇല്ല എന്ന് ഉറപ്പ് വരുത്തേണ്ടത് അനിവാര്യമാണ്.
സോക്സ് ധരിക്കുക
സോക്സ് വിയര്പ്പ് വലിച്ചെടുക്കുകയും അതുപോലെതന്നെ കാലുകള് നല്ല ചൂടാക്കി നിലനിര്ത്തുവാന് സഹായിക്കുകയും ചെയ്യും. സോക്സ് തിരഞ്ഞെടുക്കുമ്പോള് കോട്ടന് സോക്സ് തന്നെ തിരഞ്ഞെടുക്കുവാന് പ്രത്യേകം ശ്രദ്ധിക്കണം.
സൂര്യപ്രകാശം കൊള്ളിക്കാം.
ഷൂസിലെ ദുര്ഗന്ധം കളയുവാന് ഏറ്റവും നല്ല മാര്ഗ്ഗങ്ങളില് ഒന്നാണ് സൂര്യപ്രകാശം ഏല്ക്കുക എന്നത്. ഇത് ഷൂസിലെ വിയര്പ്പ് ഇല്ലാതാക്കുന്നതിനും അതുപോലെ ദുര്ഗന്ധം ഇല്ലാതാക്കുവാനും വളരെയധികം സഹായിക്കും.
ബേക്കിംഗ് സോഡ
കാല്കപ്പ് ബേക്കിംഗ് സോഡ, കാല് കപ്പ് ബേക്കിംഗ് പൗഡര്, കാല് കപ്പ് കോണ് സ്റ്റാര്ച്ച്, എസ്സന്ഷന് ഓയിൽ എന്നിവ എടുക്കുക. ഇവ നന്നായി മിക്സ് ചെയ്തതിനുശേഷം ഇത് ഷൂസില് നന്നായി തെളിച്ച് രാത്രിയില് വയ്ക്കുക.
വിനാഗിരി
വിനാഗിരിയും അതേ അളവില് വെള്ളം എടുത്ത് നന്നായി മിക്സ് ചെയ്ത് സ്പ്രേ ബോട്ടിലില് ആക്കുക. ഇത് ഷൂസില് അടിച്ചതിനുശേഷം നന്നായി ഉണക്കിയെടുക്കുക. ഷൂസില് ഉണ്ടാകുന്ന ദുര്ഗന്ധമെല്ലാം തന്നെ മാറികിട്ടും.
സോക്സ് മാറ്റുക
സ്ഥിരമായി ഒരേ സോക്സ് തന്നെ ഉപയോഗിക്കാതിരിക്കുവാന് ശ്രദ്ധിക്കുക. ചിലര് വര്ഷങ്ങളോളം ഒരേ സോക്സ് ഉപയോഗിക്കുന്നവരുണ്ട്. ഇത് ദുര്ഗന്ധം ഉണ്ടാകുന്നതിന് കാരണമാകുന്നുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates