ഹെൽത്തി ലഞ്ച് വേണോ? ഇതാ എളുപ്പവഴി

ജോലി ചെയ്യുന്നവര്‍ ആണെങ്കിലും സ്കൂളിലോ കോളജിലോ പോകുന്നവര്‍ ആണെങ്കിലും ലഞ്ച് രാവിലെ തന്നെ കയ്യില്‍ കരുതുന്നവരാണ്.

അതിനാൽ എളുപ്പത്തില്‍ എന്തെങ്കിലുമൊക്കെ ലഞ്ചിന് കൊണ്ടുപോകാം എന്ന് കരുതുന്നതായിരിക്കും അധികപേരുടെയും രീതി.

ഇങ്ങനെ എന്തെങ്കിലും 'തട്ടിക്കൂട്ടി' ലഞ്ച് ആക്കി കഴിക്കുന്നത് പതിവാണെങ്കില്‍ അത് ആരോഗ്യത്തെ ബാധിക്കാം.

ലഞ്ച് ഒരേസമയം എളുപ്പത്തില്‍ തയ്യാറാക്കാവുന്നതും, അതോടൊപ്പം തന്നെ ഹെല്‍ത്തിയുമായിരിക്കണം. ഇത്തരത്തിലുള്ള ചില ലഞ്ച് ഐഡിയകൾ നോക്കാം

സാലഡ്

നമ്മുടെ അഭിരുചിക്കും, വീട്ടിലെ സാധനങ്ങളുടെ ലഭ്യതയ്ക്കും അനുസരിച്ച് വിവിധ തരത്തിലുള്ള സലാഡുകള്‍ നമുക്ക് തയ്യാറാക്കി ലഞ്ചിനായി കരുതാവുന്നതാണ്.

റോൾ

പലരും ലഞ്ചിനായി ചപ്പാത്തി കൊണ്ടുപോകുന്നത് പതിവാണ്. ഇങ്ങനെ ചപ്പാത്തി കൊണ്ടുപോകുമ്പോള്‍ ഇതിനകത്ത് മുട്ടയോ ചിക്കൻ ഫില്ലിംഗോ, പച്ചക്കറി ഫില്ലിംഗോ, പരിപ്പ്- പയര്‍ വര്‍ഗങ്ങള്‍ കൊണ്ടുള്ള ഫില്ലിംഗോ എല്ലാം വച്ച് റോള്‍ ആക്കി കൊണ്ടുപോകാവുന്നത് ഹെൽത്തിയുമാണ് എളുപ്പവുമാണ്.

റൈസ്

ഇന്ത്യൻ ലഞ്ചിൽ ചോറും കറികളുമാണ് പ്രധാനപ്പെട്ടത്.എന്നാൽ ഇവ തയ്യാറാക്കാൻ പ്രയാസമാണ്. അതിനാല്‍ ചോറിന് പകരം നിറയെ പച്ചകറികളും പ്രോട്ടീനും ചേർത്തുള്ള പുലാവുകൾ കൊണ്ടുപോകാം.ഇത് വിവിധ കറികള്‍ തയ്യാറാക്കാനുള്ള സമയവും അധ്വാനവും ലാഭമാക്കും.

പഴങ്ങൾ

ഹെൽത്തി ലഞ്ചിന്റെ വലിയൊരു ഭാ​ഗം എപ്പോഴും പഴങ്ങളും പച്ചക്കറികളുമാകും. ചോറ് കുറച്ച് പഴങ്ങൾക്ക് പ്രാധാന്യം നൽകുന്ന രീതിയിൽ ലഞ്ച് ക്രമീകരിക്കുക.

തയ്യാറെടുപ്പുകൾ

എല്ലാകാര്യങ്ങളും തലേദിവസം തന്നെ ക്രമീകരിച്ചുവെയ്ക്കാൻ ശ്രമിക്കുക. ഇത് ലഞ്ച് ഉണ്ടാക്കുന്നത് എളുപ്പമാക്കുന്നു. കഴിവതും ഒരു പ്ലാൻ ഉണ്ടാക്കി ലഞ്ച് ഉണ്ടാക്കാൻ ശ്രമിക്കുക. ഇത് സമയം ലാഭിക്കാനും ഹെൽത്തിയായ ലഞ്ച് ഉണ്ടാക്കാനും സഹായിക്കും.