ലാപ്‌ടോപ്പ് വൃത്തിയാക്കാന്‍ ഈസി ടിപ്സ്

എപ്പോഴും കൂടെക്കൊണ്ടുനടക്കുന്ന ലാപ്ടോപ്പുകള്‍ ഇടയ്ക്ക് വൃത്തിയാക്കാന്‍ പലര്‍ക്കും മടിയാണ്.

കൃത്യമായ ഇടവേളകളില്‍ വൃത്തിയാക്കിയില്ലെങ്കില്‍ അത് ലാപ്‌ടോപിന്റെ പ്രകടനത്തെയും ആയുസിനെയും ബാധിച്ചേക്കാം.

ലാപ്‌ടോപ്പ് വൃത്തിയാക്കാനുള്ള ചില ടിപ്പുകൾ നോക്കാം

ഡിസ്‌പ്ലേ സ്‌ക്രീന്‍

ഒരു മൈക്രോ ഫൈബര്‍ തുണി ഡിസ്റ്റില്‍ഡ് വാട്ടറോ സ്‌ക്രീന്‍ ക്ലീനറോ ഉപയോഗിച്ച് നനച്ചശേഷം സ്‌ക്രീന്‍ പതുക്കെ തുടയ്ക്കുക. കറകളും വിരലടയാളങ്ങളും പതുക്കെ തുടച്ചുനീക്കാന്‍ ഐസോപ്രൊപൈല്‍ ആല്‍ക്കഹോളോ അല്ലെങ്കില്‍ എല്‍സിഡി-സേഫ് ക്ലീനറോ ഉപയോഗിക്കാം.

ലാപ്‌ടോപ്പിന്റെ ബോഡി

പുറംഭാഗം, പാം റെസ്റ്റ്, ടച്ച്പാഡ് എന്നിവ മൈക്രോ ഫൈബര്‍ തുണിയും വീര്യം കുറഞ്ഞ സോപ്പ് ലായനിയോ ക്ലീനിംഗ് വൈപ്പുകളോ ഉപയോഗിച്ച് തുടയ്ക്കുക. പതിവായി സ്പര്‍ശിക്കുന്ന ഭാഗങ്ങളില്‍ ശ്രദ്ധ കേന്ദ്രീകരിക്കുക. അധിക ഈര്‍പ്പം നീക്കം ചെയ്യണം.

കീബോര്‍ഡ്

ബ്രഷോ എയര്‍ ബ്ലാസ്റ്ററോ ഉപയോഗിച്ച് കീ-കള്‍ക്കിടയിലുള്ള അഴുക്ക് നീക്കം ചെയ്യാം. ഐസോപ്രൊപൈല്‍ ആല്‍ക്കഹോളില്‍ ചെറുതായി നനച്ച മൈക്രോ ഫൈബര്‍ തുണി ഉപയോഗിച്ച് കീ-കള്‍ തുടയ്ക്കുക. ആഴത്തില്‍ വൃത്തിയാക്കാന്‍, പ്രത്യേക ജെല്ലുകളോ ക്ലീനറുകളോ ഉപയോഗിക്കാം.

കവറുകളും ബെസലുകളും

ഐസോപ്രൊപൈല്‍ ആല്‍ക്കഹോളില്‍ ചെറുതായി നനച്ച മൈക്രോ ഫൈബര്‍ തുണി ഉപയോഗിച്ച് ലാപ്‌ടോപ്പിന്റെ കവര്‍, ബെസല്‍, കേസിംഗ് എന്നിവ തുടയ്ക്കുക. കഠിനമായ കറകള്‍ക്ക് ന്യൂട്രല്‍ ക്ലീനര്‍ ഉപയോഗിക്കാം.

ഡസ്റ്റ് ഫില്‍ട്ടര്‍

ഡസ്റ്റ് ഫില്‍ട്ടറുകളുള്ള മോഡലുകളില്‍ മൃദുവായ ബ്രഷ് ഉപയോഗിച്ച് പൊടി തട്ടിക്കളയുക. വാക്വം ക്ലീനറുകള്‍ ഒഴിവാക്കണം. അവ ആന്തരിക ഘടകങ്ങള്‍ക്ക് കേടുവരുത്തും. പതിവായ വൃത്തിയാക്കല്‍ മികച്ച എയര്‍ ഫ്‌ളോയും കൂളിംങ്ങും ഉറപ്പാക്കുന്നു.

ശ്രദ്ധിക്കേണ്ടത്

ലാപ്‌ടോപ്പ് ഓഫ് ചെയ്ത് പൂര്‍ണമായും വൈദ്യുതി ഓഫ് ചെയ്ത ശേഷം മാത്രം വൃത്തിയാക്കുക. അതികഠിനമായ രാസവസ്തുക്കള്‍ ക്ലീനിങിന് ഉപയോഗിക്കരുത്.