ദിവസവും ഒരു ഗ്രാമ്പൂ വീതം കഴിക്കൂ, ആരോ​ഗ്യത്തിന് ഏറെ നല്ലത്

കറികൾക്ക് രൂചിയും ഗന്ധവും നൽകുന്ന ഗ്രാമ്പൂ ദിവസവും ചവയ്ക്കുന്നത് ആരോഗ്യത്തിന് ഏറെ നല്ലതാണ്.

ഗ്രാമ്പൂ ദിവസവും ചവയ്ക്കുന്നത് ശ്വാസത്തെ ഫ്രഷ് ആക്കുന്നതോടൊപ്പം ദഹനത്തിനും സഹായകമാണ്.

ഒന്നോ രണ്ടോ ഗ്രാമ്പൂ ദിവസവും ചവയ്ക്കുന്നത് വഴി ശരീരത്തിന്റെ പ്രതിരോധ സംവിധാനം മെച്ചപ്പെടും. കോശനാശം,പ്രായമാകൽ, രോഗങ്ങൾ, ഹൃദ്രോഗം, ചില കാൻസറുകൾ ഇവയെ എല്ലാം പ്രതിരോധിക്കാൻ ഗ്രാമ്പൂ സഹായിക്കും

ഗ്രാമ്പൂവിലടങ്ങിയ യുജെനോളിന്റെ ആന്റി ഇൻഫ്ലമേറ്ററി ഗുണങ്ങൾ ഇൻഫ്ലമേഷൻ അഥവാ വീക്കം കുറയ്ക്കുന്നു. ദിവസവും ഗ്രാമ്പൂ ചവയ്ക്കുന്നത് സന്ധിവേദന, പേശിവേദന, തുടങ്ങിയവയെല്ലാം കുറയ്ക്കുന്നു.

ഗ്രാമ്പൂ ചവയ്ക്കുന്നതുകൊണ്ട് വായയുടെ ആരോഗ്യം മെച്ചപ്പെടും. ഗ്രാമ്പൂവിലടങ്ങിയ യൂജെനോളിന് ആന്റിമെക്രോബിയൽ, അനാൾജെസിക് ഗുണങ്ങളുണ്ട് ഇവ വായയുടെ ആരോഗ്യം മെച്ചപ്പെടുത്തും.

ദഹനവുമായി ബന്ധപ്പെട്ട എൻസൈമുകളെ ഉത്തേജിപ്പിക്കാൻ ഗ്രാമ്പൂവിന് കഴിയും.

ഗ്രാമ്പൂവിന് ആന്റിബാക്‌ടീരിയൽ, ആന്റിഫംഗൽ, ആന്റി വൈറൽ ഗുണങ്ങളുണ്ട്. ഗ്രാമ്പൂ ചവയ്ക്കുന്നത് രോഗപ്രതിരോധ സംവിധാനത്തെ ശക്തിപ്പെടുത്തുകയും അണുബാധകളെ അകറ്റുകയും ചെയ്യും.

പ്രീഡയബറ്റിസ് ഉള്ളവരിലും ഇല്ലാത്തവരിലും ഇൻസുലിൻ സെൻസിറ്റിവിറ്റി മെച്ചപ്പെടുത്താനും രക്തത്തിലെ ഗ്ലൂക്കോസിന്റെ അളവ് കുറയ്‌ക്കാനും ഗ്രാമ്പൂവിലടങ്ങിയ സംയുക്തങ്ങൾക്ക് കഴിയും.