വേ​ഗം ഭക്ഷണം കഴിച്ചു തീർക്കുന്നവരാണോ? എങ്കിൽ ഇതറിഞ്ഞിരിക്കണം

വേ​ഗത്തിൽ ഭക്ഷണം കഴിക്കുന്നത് അവയുടെ രുചി കാരണമാണെന്ന് എല്ലാവരും തെറ്റിദ്ധരിക്കാറുണ്ട്. എന്നാൽ പഠനങ്ങൾ പറയുന്നത് നേരെ തിരിച്ചാണ്.

ഭക്ഷണം വളരെ വേഗത്തിൽ കഴിക്കുമ്പോൾ, നമ്മുടെ തലച്ചോറും വയറും തമ്മിലുള്ള ആശയവിനിമയം തകിടം മറിയുന്നു. ഇത് വയർ നിറഞ്ഞെന്ന ശരീരത്തിന്റെ സിഗ്നലുകൾ തിരിച്ചറിയാൻ തലച്ചോറിന് സാധിക്കാതെ വരുന്നു.

വിശപ്പ് രണ്ട് തരമുണ്ട്. ശാരീരിക വിശപ്പ് (Physical Hunger), ശരീരത്തിന് ഊർജ്ജം ആവശ്യമായി വരുമ്പോൾ ഉണ്ടാകുന്നത്.

ഭക്ഷണത്തിന്റെ മണം, സോഷ്യൽ മീഡിയയിലെ ചിത്രങ്ങൾ, സമ്മർദം എന്നിവ കാരണം പെട്ടെന്ന് തോന്നുന്ന കൊതിയാണ് മാനസികമായി ഉണ്ടാകുന്ന വിശപ്പ് (Hedonic Hunger).

ഇത്തരം ‘കൊതികൾ’ തലച്ചോറിലെ ഡോപമിൻ എന്ന കെമിക്കലിനെ ഉത്തേജിപ്പിക്കുകയും, വയർ നിറഞ്ഞാലും വീണ്ടും കഴിക്കാൻ നമ്മെ പ്രേരിപ്പിക്കുകയും ചെയ്യുന്നു.

ഫോണോ ടിവിയോ നോക്കാതെ, ഭക്ഷണത്തിന്റെ രുചിയും മണവും അറിഞ്ഞ് പതുക്കെ കഴിക്കുക എന്നതാണ് ഇതിനുള്ള പരിഹാരം. വയർ നിറഞ്ഞെന്ന സന്ദേശം തലച്ചോറിലെത്താൻ ഏകദേശം 20 മിനിറ്റ് സമയമെടുക്കും.

ഭക്ഷണം കഴിക്കുന്നത് വെറുമൊരു ശാരീരിക ആവശ്യം മാത്രമല്ല, അത് മാനസികവും വൈകാരികവുമായ ഒന്നുകൂടിയാണ്. ഡയറ്റിങ് പ്രയാസമാണെന്ന് തോന്നുന്നവർ ഇങ്ങനെ ശീലിക്കാവുന്നതാണ്.