11 വര്‍ഷം, 6 കോച്ചുമാര്‍; ആര് രക്ഷിക്കും മാഞ്ചസ്റ്റര്‍ യുനൈറ്റഡിനെ?

പ്രീമിയര്‍ ലീഗില്‍ കാര്യമായ നേട്ടങ്ങളൊന്നും തന്നെ ഇല്ല.

2013ല്‍ വിഖ്യാത പരിശീലകന്‍ സര്‍ അലക്‌സ് ഫെര്‍ഗൂസന്‍ പടിയിറങ്ങിയ ശേഷം ടീം പ്രതിസന്ധികള്‍ക്ക് നടുവിലാണ്.

11 വര്‍ഷത്തിനിടെ 6 പരിശീലകരെയാണ് ടീം പരീക്ഷിച്ചത്. 2 താത്കാലിക കോച്ചുമാരും ടീമിലെത്തി. സ്ഥിരം പരിശീലകനായി ഇനി ഏഴാമതൊരാള്‍ വരും.

ഫെര്‍ഗൂസന്‍ പോയ ശേഷം എത്തിയത് ഡേവിഡ് മോയസാണ്. 2013-14 സീസണോടെ മോയസിനെ പുറത്താക്കി.

പിന്നീട് ലൂയീസ് വാന്‍ ഗാല്‍ വന്നു. 2 സീസണോടെ അദ്ദേഹവും പോയി.

പിന്നാലെ വന്നത് ഹോസെ മൗറീഞ്ഞോ. 2 സീസണ്‍ മാത്രമാണ് മൗറീഞ്ഞോയ്ക്കും നില്‍ക്കാന്‍ പറ്റിയത്.

മുന്‍ താരം കൂടിയായ ഒലെ സോള്‍ഷ്യാറാണ് ടീമിനെ പരിശീലിപ്പിച്ച മറ്റൊരാള്‍. 2018 മുതല്‍ 2021 വരെയായിരുന്നു ടീമിലുണ്ടായത്.

ടീമിനെ രക്ഷിക്കാനെത്തിയ റാല്‍ഫ് റാഗ്നിക്കിനും അധികം നില്‍ക്കാന്‍ സാധിച്ചില്ല. ഒറ്റ സീസണിനു പിന്നാലെ പുറത്തായി.

ഇപ്പോഴിതാ എറിക് ടെന്‍ ഹാഗും പുറത്തായി. മൂന്നാം സീസണിലേക്ക് കടന്നതിനു പിന്നാലെയാണ് കാര്യമായ ഒരു മാറ്റവും സൃഷ്ടിക്കാനാകാതെ ഡച്ച് പരിശീലകനും പടിയിറങ്ങിയത്.