വീ‌ട്ടിൽ മു‌ട്ടയു‌ണ്ടോ? മുഖസൗന്ദര്യത്തിന് പാർലറിൽ പോകേണ്ട

കഴിക്കാൻ മാത്രമല്ല ചർമ്മ സംരക്ഷണത്തിനും മുട്ട ഉപയോഗിക്കാം.

ചുളിവുകളും പാടുകളും മുഖക്കുരുവുമെല്ലാം എല്ലാവരേയും അലട്ടുന്ന പ്രശ്നങ്ങളാണ്.

എന്നാൽ വീ‌ട്ടിൽ മുട്ടയുണ്ടെങ്കിൽ വളരെ പെട്ടെന്ന് ഇവ പരിഹരിക്കാവുന്നതാണ്.

വരണ്ടതും അടരുന്നതും ചൊറിച്ചിലുള്ളതുമായ ചർമ്മത്തെ ഭേദമാക്കാനും മുട്ട സഹായിക്കുന്നു. മുട്ടയുടെ മഞ്ഞക്കരു ഫാറ്റി ആസിഡുകളാൽ സമ്പന്നമാണ്. ഇത് ചർമ്മത്തിന് ഈർപ്പം നൽകുന്നു.

മുട്ടയുടെ വെള്ളയിൽ ആൽബുമിൻ അടങ്ങിയിട്ടുണ്ട്. ഇത് സുഷിരങ്ങൾ ശക്തമാക്കാനും അമിതമായ അഴുക്ക് നീക്കം ചെയ്യാനും സഹായിക്കുന്നു.

ഒരു മുട്ടയുടെ വെള്ളയും നാരങ്ങാ നീരും ചേർത്ത് അതിൽ അൽപം തേൻ ചേർക്കുക. ഇത് മുഖത്ത് തേച്ച് പിടിപ്പിട്ട് 15 മിനിട്ടിന് ശേഷം കഴുകിക്കളയുക. ഇത് ആഴ്ചയിൽ രണ്ട് ദിവസം പുരട്ടുക. മുഖക്കുരു കുറയ്ക്കാൻ സഹായിക്കും.

മുട്ടയുടെ വെള്ള നല്ലൊരു ക്ലെൻസറാണ്. മുഖത്ത് മുട്ടയു‌ടെ വെള്ള തേച്ച് ഒരു 10 മിനിറ്റ് വെയ്ക്കുക. ഡ്രൈ ആകാൻ തുടങ്ങുമ്പോൾ കഴുകി കളയുക. മുഖത്തിന് ഒരു ഉണർവ് നൽകാൻ ഇത് സഹായിക്കും.

വരണ്ട ചർമ്മമുള്ളവർ അവക്കാഡോ പേസ്റ്റും മുട്ടയുടെ വെള്ളയും ചേർത്ത് നന്നായി മിക്സ് ചെയ്ത് മുഖത്തിടുക. ‌ ഉണങ്ങിയതിന് ശേഷം ചെറു ചൂടുവെള്ളത്തിൽ കഴുകി കളയുക.

മുട്ടയുടെ വെള്ളയിലേയ്ക്ക് തേൻ ചേർത്തിളക്കി യോജിപ്പിക്കാം. ഈ മിശ്രിതം മുഖത്തും കഴുത്തിലും പുരട്ടാം.20 മിനിറ്റിനു ശേഷം തണുത്ത വെള്ളത്തിൽ കഴുകി കളയാം.